വാഷിങ്ടണ്‍: ഉ.കൊറിയന്‍ ഭരണാധികാരി കിം ജോങ് ഉന്നിനെ വീണ്ടും ലിറ്റില്‍ റോക്കറ്റ് മനുഷ്യനെന്ന് വിശേഷിപ്പിച്ച് അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. ചൈനീസ് നയതന്ത്രപ്രതിനിധിയുടെ പ്യോങ് യാങ് സന്ദര്‍ശനം റോക്കറ്റ് മനുഷ്യനില്‍ യാതൊരു സ്വാധീനവും ചെലുത്തിയില്ലെന്നാണ് മിസൈല്‍ പരീക്ഷണം സൂചിപ്പിക്കുന്നത്. റഷ്യയും ചൈനയും പരീക്ഷണത്തെ അപലിച്ചുവെന്നും ട്രംപ് ട്വീറ്റ് ചെയ്തു.
ഉ.കൊറിയക്കെതിരേ കൂടുതല്‍ നടപടികള്‍ വേണമെന്ന് ചൈനീസ് പ്രസിഡന്റ് ഷി ജിന്‍ പിങുമായുള്ള സംഭാഷണത്തില്‍ ട്രംപ് ആവശ്യപ്പെട്ടിട്ടുണ്ട്. നേരത്തെ യു.എന്നിലെ പ്രസംഗത്തിനിടയിലും ട്രംപ് റോക്കറ്റ് മനുഷ്യനെന്ന് കിമ്മിനെ വിശേഷിപ്പിച്ചിരുന്നു.