ചെന്നൈ: തമിഴ്‌സിനിമാതാരം വിശാലും തെരഞ്ഞെടുപ്പ് രംഗത്തേക്ക്. ചെന്നൈ ആര്‍.കെ നഗര്‍ മണ്ഡലത്തില്‍ മത്സരിക്കുമെന്ന് അദ്ദേഹം ഇന്നലെ അറിയിച്ചു.
സ്വതന്ത്ര സ്ഥാനാര്‍ഥിയായിട്ടാണ് താന്‍ മത്സരിക്കുന്നതെന്നും ഇതിന് വ്യക്തമായ ചില കാരണങ്ങളുണ്ടെന്നും അദ്ദേഹം പറഞ്ഞു. എന്നാല്‍ ഇക്കാര്യം നാമനിര്‍ദേശ പത്രികാ സമര്‍പ്പണത്തിനുശേഷം മാധ്യമങ്ങളോട് പറയും. നാളെ നാമനിര്‍ദേശ പത്രിക സമര്‍പ്പിക്കുമെന്ന് അദ്ദേഹം അറിയിച്ചു.
മാര്‍സല്‍ സിനിമയ്‌ക്കെതിരേ ബി.ജെ.പി സ്വീകരിച്ച നിലപാടുകള്‍ക്കെതിരേയും അദ്ദേഹം രൂക്ഷമായ വിമര്‍ശനമാണ് ഉന്നയിച്ചത്. സിനിമയുടെ കാര്യങ്ങളില്‍ രാഷ്ട്രീയക്കാര്‍ ഇടപെടരുതെന്ന് അദ്ദേഹം ആവശ്യപ്പെട്ടു.
രാഷ്ട്രീയ രംഗത്തെന്നപോലെ സിനിമാ രംഗത്തും സുതാര്യത ആവശ്യമാണെന്നും വിശാല്‍ വ്യക്തമാക്കി.