കാസര്‍കോട്: കപട ദേശീയതയ്ക്കും മത തീവ്രവാദത്തിനുമെതിരേ എ.ഐ.വൈ.എഫ് നേതൃത്വത്തില്‍ സ്വാതന്ത്ര്യ ദിനത്തില്‍ ഉപ്പളയില്‍ മാനവസംഗമം നടക്കും. നാളെ വൈകുന്നേരം മൂന്നു മണിക്ക് ഉപ്പളയില്‍ നടക്കുന്ന പരിപാടി റവന്യൂ മന്ത്രി ഇ. ചന്ദ്രശേഖരന്‍ ഉദ്ഘാടനം ചെയ്യും.
ഉപ്പളയില്‍ നടക്കുന്ന പരിപാടിയില്‍ സി.പി.ഐ ജില്ലാ സെക്രട്ടറി അഡ്വ. ഗോവിന്ദന്‍ പള്ളിക്കാപ്പില്‍, അസിസ്റ്റന്റ് സെക്രട്ടറി ബി.വി രാജന്‍, ജില്ലാ എക്‌സിക്യൂട്ടീവംഗം കെ.എസ് കുര്യാക്കോസ്, എ.ഐ.വൈ.എഫ് ജില്ലാ സെക്രട്ടറി അഡ്വ. വി സുരേഷ് ബാബു, പ്രസിഡന്റ് മുകേഷ് ബാലകൃഷ്ണന്‍, സംസ്ഥാന കമ്മറ്റിയംഗം അനിതാ രാജ് തുടങ്ങിയവര്‍ സംബന്ധിക്കും.