ന്യൂഡല്‍ഹി: ഓഖി ദുരന്ത നിവാരണത്തിനായി കേന്ദ്ര സഹായം തേടി കേരളം. ഇതിനായി മുഖ്യമന്ത്രി പിണറായി വിജയന്‍ കേന്ദ്ര ആഭ്യന്തര മന്ത്രി രാജ്‌നാഥ് സിങിനെ ഡല്‍ഹിയിലെത്തി കണ്ടു.

ദുരന്ത നിവാരണത്തിനായി പ്രത്യേക പാക്കേജ് അനുവദിക്കണമെന്നാണ് പ്രധാനമായി ആവശ്യപ്പെട്ടത്. 1843 കോടി രൂപയുടെ പാക്കേജാണ് ആവശ്യപ്പെട്ടത്. അടിയന്തരമായി 300 കോടി രൂപ അനുവദിക്കണമെന്നും ആവശ്യപ്പെട്ടു.

കേരളത്തിന്റെ ആവശ്യങ്ങള്‍ വളരെ അനുഭാവപൂര്‍ണമായാണ് രാജ്‌നാഥ് സിങ് പരിഗണിച്ചതെന്ന് കൂടിക്കാഴ്ചയ്ക്ക് ശേഷം മുഖ്യമന്ത്രി പറഞ്ഞു. ഉന്നതതല സംഘം കേരളം സന്ദര്‍ശിക്കുമെന്നും മുഖ്യമന്ത്രി അറിയിച്ചു.

രാജ്‌നാഥ് സിങിനെ കണ്ട ശേഷം പ്രതിരോധ മന്ത്രി നിര്‍മല സീതാരാമനുമായും മുഖ്യമന്ത്രി കൂടിക്കാഴ്ച നടത്തി.