തിരുവനന്തപുരം: 196 പൊലിസ് സ്റ്റേഷനുകളില്‍ സി.ഐ.മാരെ എസ്.എച്ച്.ഒ.മാരായി നിയമിച്ചു കൊണ്ടുള്ള സര്‍ക്കാര്‍ ഉത്തരവ് നടപടിക്രമങ്ങള്‍ പൂര്‍ത്തിയാക്കി ജനുവരി ഒന്നുമുതല്‍ നടപ്പാക്കുമെന്ന് പൊലിസ് മേധാവി ലോക്‌നാഥ് ബെഹറ അറിയിച്ചു. ഇതുസംബന്ധിച്ച വിശദാംശങ്ങള്‍ ഉള്‍പ്പെടുത്തിയുള്ള ഉത്തരവ് ഉടന്‍തന്നെ പുറത്തിറക്കുമെന്ന് അദ്ദേഹം പറഞ്ഞു. പുതിയ സംവിധാനം നിലവില്‍വരുന്ന സ്റ്റേഷനുകളില്‍ ആവശ്യമായ മുന്നൊരുക്കങ്ങള്‍ നടത്തുന്നതിന് ജില്ലാ പൊലിസ് മേധാവിമാര്‍ക്കും സബ്ഡിവിഷനല്‍ ഓഫിസര്‍മാര്‍ക്കും സ്റ്റേഷന്‍ ഹൗസ് ഓഫിസര്‍മാര്‍ക്കും നിര്‍ദേശവും നല്‍കി.