ആനക്കര: ടിപ്പര്‍ ലോറി സ്വകാര്യ വ്യക്തിയുടെ ഗെയ്റ്റും മതിലും തകര്‍ത്തു മറിഞ്ഞു. എടപ്പാള്‍ പടിഞ്ഞാറങ്ങാടി റോഡില്‍ ശുകപുരത്തിന് സമീപം വെച്ചാണ് അപകടം. നിയന്ത്രണം വിട്ട ടിപ്പര്‍ ലോറി സ്വകാര്യ വ്യക്തിയുടെ ഗെയ്റ്റും മതിലും തകര്‍ത്തു മറിയുകയായിരുന്നു. ഞായറാഴ്ച്ച രാവിലെ എടപ്പാളില്‍ നിന്നും പടിഞ്ഞാറങ്ങാടിയിലേക്ക് വരികയായിരുന്ന ടിപ്പര്‍ ലോറിയാണ് നിയന്ത്രണം വിട്ട് മറിഞ്ഞത്. ഡ്രൈവര്‍ക്ക് പരിക്കേറ്റു.