മനാമ: സുരക്ഷാപ്രശ്‌നങ്ങളില്‍ ശാശ്വത പരിഹാരംതേടി മനാമ ഡയലോഗ് ചര്‍ച്ച ആരംഭിച്ചു. ഇരുപതിലധികം രാഷ്ട്രങ്ങള്‍ പങ്കെടുക്കുന്ന 'മനാമ ഡയലോഗ് 2017' സുരക്ഷാ ഉച്ചകോടിക്ക് ബഹ്‌റൈനിലെ ഇന്റര്‍നാഷനല്‍ ഇന്‍സ്റ്റിറ്റ്യൂട്ട് ഫോര്‍ സ്ട്രാറ്റജിക് സ്റ്റഡീസ് (ഐ.ഐ.എസ്.എസ്) ആണ് വേദിയാകുന്നത്.
മൂന്നുദിവസം നീണ്ടുനില്‍ക്കുന്ന ഉച്ചകോടി ഞായറാഴ്ച സമാപിക്കും. വിവിധ രാജ്യങ്ങളുടെ പ്രധാനമന്ത്രിമാര്‍, പ്രതിരോധ മന്ത്രിമാര്‍, വിദേശകാര്യ മന്ത്രിമാര്‍, ദേശീയ സുരക്ഷാ ഉപദേഷ്ടാക്കള്‍, രഹസ്യാന്വേഷണ, സൈനിക മേധാവികള്‍ എന്നിവര്‍ പങ്കെടുക്കും.