ആലുവ: ആലുവമുട്ടത്ത് ദേശീയ പാതയില്‍ ഉണ്ടായ വാഹനാപകടത്തില്‍ മൂന്നു മരണം .കോട്ടയം കുമരനെല്ലൂര്‍ സ്വദേശികളായ രാജേന്ദ്രപ്രസാദ് (60) മകന്‍ അരുണ്‍ പ്രസാദ് (32) ബന്ധു ചന്ദ്രന്‍ നായര്‍ (63) എന്നിവരാണ് മരിച്ചത്.

ചന്ദ്രന്‍ നായരുടെ മകനെ നെടുമ്പാശേരി വിമാനത്താവളത്തലാക്കി മടങ്ങവെയാണ് അപകടമുണ്ടായത്. നിയന്ത്രണം വിട്ട കാര്‍ മെട്രോ പില്ലറിലിടിക്കുകയായിരുന്നു. വാഹനം പൂര്‍ണമായി തകര്‍ന്നു. അരുണ്‍ കുമാറാണ് വാഹനം ഓടിച്ചിരുന്നത്. ഫയര്‍ഫോഴ്‌സ് എത്തിയാണ് വാഹനത്തിലുള്ളവരെ പുറത്തെടുത്തത്. രണ്ട് പേര്‍ സംഭവസ്ഥലത്ത് മരിച്ചു.

ഏതാനും മാസങ്ങള്‍ക്ക് മുമ്പ് ഈ ഭാഗത്ത് നിയന്ത്രണം വിട്ടവാഹനമിടിച്ച് മൂന്ന് മെട്രോ തൊഴിലാളികള്‍ മരിച്ചിരുന്നു.

മലയാളമനോരമ ജീവനക്കാരാണ് രാജേന്ദ്രപ്രസാദും അരുണ്‍കുമാറും.