കോഴിക്കോട്: നേരിനൊപ്പം ഒത്തുചേരാം എന്ന പ്രമേയവുമായി ഡിസംബര്‍ 1 മുതല്‍ ആരംഭിച്ച അംഗത്വ പ്രചാരണം നാളെ സമാപിക്കും. കാംപയിന്‍ ചുമതല വഹിക്കുന്ന മേഖലാ കോ ഓഡിനേറ്റര്‍മാരുടെ സംഗമം ഡിസംബര്‍ 16, 17, 18 തിയതികളില്‍ നടക്കും. കാസര്‍കോട്, കണ്ണൂര്‍, വയനാട്, കോഴിക്കോട്, നീലഗിരി ജില്ലാ കോ ഓഡിനേറ്റര്‍മാരുടെ സംഗമം 16ന് ശനിയാഴ്ച വൈകുന്നേരം 4ന് കോഴിക്കോട് ഇസ്‌ലാമിക് സെന്ററില്‍ നടക്കും.
തെക്കന്‍ കേരളത്തിലെ എറണാകുളം മുതല്‍ തിരുവനന്തപുരം വരെയുള്ള ജില്ലകളിലെ കോ ഓഡിനേറ്റര്‍മാര്‍ 17ന് ഞായറാഴ്ച രാവിലെ 10ന് കളമശ്ശേരി മര്‍ക്കസിലും, മലപ്പുറം, പാലക്കാട്, തൃശൂര്‍, ജില്ലാ കോ ഓഡിനേറ്റര്‍മാര്‍ 18ന് തിങ്കളാഴ്ച വൈകുന്നേരം 4ന് മലപ്പുറം സുന്നിമഹലിലും നടക്കുന്ന സംഗമത്തില്‍ പങ്കെടുക്കേണ്ടതാണ്. കോ ഓഡിനേറ്റര്‍മാര്‍ ഓഫ്‌ലൈന്‍ അപേക്ഷാഫോമുകളും വിഹിതവും കൊണ്ടുവരണമെന്ന് കണ്‍വീനര്‍ റശീദ് ഫൈസി വെള്ളായിക്കോട് അറിയിച്ചു.സംഗമങ്ങള്‍ക്ക് റഹീം മാസ്റ്റര്‍ ചുഴലി, സത്താര്‍ പന്തല്ലൂര്‍, റശീദ് ഫൈസി വെള്ളായിക്കോട്, വി.കെ.എച്ച് റശീദ് മാസ്റ്റര്‍, ലത്തീഫ് മാസ്റ്റര്‍ പന്നിയ്യൂര്‍, അയ്യൂബ് മാസ്റ്റര്‍ മുട്ടില്‍ നേതൃത്വം നല്‍കും.