മുംബൈ: പാകിസ്താനില്‍ കഴിയുന്ന അധോലോക കുറ്റവാളി ദാവൂദ് ഇബ്രാഹിം ബുധനാഴ്ച്ച നടക്കുന്ന അനന്തിരവന്റെ നിക്കാഹില്‍ സ്‌കൈപ്പിലൂടെ പങ്കെടുക്കുമെന്ന് റിപ്പോര്‍ട്ട്.

ദാവൂദിന്റെ സഹോദരി ഹസീന പര്‍ക്കറിന്റെ ഇളയ മകന്റെ വിവാഹമാണ് നാളെ മുംബൈയില്‍ വെച്ച് നടക്കുന്നത്. ജുഹുവിലെ തുലിപ് സ്റ്റാര്‍ ഹോട്ടലില്‍ വെച്ചാണ് വിവാഹ സത്കാരം നടക്കുക.

അതേസമയം വിവാഹത്തിനെത്തുന്ന അതിഥികളെ സസൂഷ്മം നിരീക്ഷിക്കണമെന്ന് മുംബൈ ക്രൈംബ്രാഞ്ച് ഉദ്യോഗസ്ഥര്‍ക്ക് നിര്‍ദ്ദേശം നല്‍കിയതായി ടൈംസ് ഓഫ് ഇന്ത്യ റിപ്പോര്‍ട്ട് ചെയ്തു.

ദാവൂദിന്റെ സഹോദരന്‍ ഇക്ബാല്‍ കസ്‌കര്‍, സഹോദരിമാരായ സെയ്തൂണ്‍, ഫര്‍സാന എന്നിവരും വിവാഹത്തില്‍ പങ്കെടുക്കും.