കണ്ണൂര്‍: ഓണ്‍ലൈന്‍ പ്രസിദ്ധീകരണമായ ദിബെറ്റര്‍ ഇന്ത്യ രാജ്യത്തെ മികച്ച 10 ഐ.എ.എസ് ഓഫിസര്‍മാരെ തെരഞ്ഞെടുത്തതില്‍ കണ്ണൂര്‍ ജില്ലാ കലക്ടര്‍ മീര്‍ മുഹമ്മദലിയും കോഴിക്കോട് മുന്‍ കലക്ടര്‍ പ്രശാന്ത് നായരും.
കണ്ണൂര്‍ ജില്ലയില്‍ നടപ്പിലാക്കിയ 'പ്ലാസ്റ്റിക് വിമുക്ത കണ്ണൂര്‍' പദ്ധതിയുടെ നടത്തിപ്പാണ് മീര്‍ മുഹമ്മദ് അലിക്ക് മികച്ച ഐ.എ.എസ് ഉദ്യോഗസ്ഥന്‍മാരുടെ പട്ടികയില്‍ ഇടം നല്‍കിയത്. മുന്‍ കോഴിക്കോട് ജില്ലാ കലക്ടര്‍ പ്രശാന്ത് നായരും മികച്ച 10 ഐ.എ.എസ് ഓഫിസര്‍മാരുടെ പട്ടികയില്‍ ഇടം പിടിച്ചു. വിശപ്പ് രഹിത പദ്ധതിയായ 'ഓപ്പറേഷന്‍ സുലൈമാനിയും മറ്റുമാണ് 'കലക്ടര്‍ ബ്രോയ്ക്ക്' അംഗീകാരം നേടിക്കൊടുത്തത്.