ന്യൂഡല്‍ഹി: വിവാദങ്ങള്‍ക്കിടെ ഡല്‍ഹി മെട്രോയുടെ മജന്ത പാത പ്രധാനമന്ത്രി നരേന്ദ്രമോദി ഇന്ന് ഉദ്ഘാടനം ചെയ്യും. തെക്കന്‍ ഡല്‍ഹിയിലെ കല്‍ക്കാജി മന്ദിറിനെയും നോയ്ഡയിലെ ബോട്ടാണിക്കല്‍ ഗാര്‍ഡനെയും ബന്ധിപ്പിക്കുന്നതാണ് മജന്തപാത. ഉദ്ഘാടനശേഷം പ്രധാനമന്ത്രി മെട്രോയില്‍ യാത്രചെയ്യും.

ഡല്‍ഹി മുഖ്യമന്ത്രി അരവിന്ദ് കേജ്‌രിവാളിനെ ഉദ്ഘാടനചടങ്ങിലേക്ക് ക്ഷണിക്കാത്തതാണ് വിവാദത്തിന് കാരണം. ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിനെ ക്ഷണിക്കുകയും ചെയ്തു. നോയിഡയിലുള്ള റെയിലിന് യു.പി സര്‍ക്കാരും ഡല്‍ഹിയിലേക്കുള്ളതിന് എ.എ.പി സര്‍ക്കാരുമാണ് ഫണ്ടു ചെയ്തത്.