ന്യൂഡല്‍ഹി: രാജ്യത്തെ വി.ഐ.പികളുടെ സുരക്ഷാ സംവിധാനം ഇനി സെന്‍ട്രല്‍ ഇന്‍ഡസ്ട്രിയന്‍ സെക്യൂരിറ്റി ഫോഴ്‌സിന്(സി.ഐ.എസ്.എഫ്). കേന്ദ്രസര്‍ക്കാരിന്റേതാണ് തീരുമാനം. ഇതുസംബന്ധിച്ച് പ്രത്യേക നിര്‍ദേശം ലഭിച്ചതായി സി.ഐ.എസ്.എഫ് ഡയറക്ടര്‍ ജനറല്‍ ഒ.പി സിങ് അറിയിച്ചു.
അതിപ്രധാന വ്യക്തികളുടെ സുരക്ഷ സി.ഐ.എസ്.എഫിനാണെങ്കിലും സി.ആര്‍.പി.എഫിനും മറ്റ് ഏജന്‍സികള്‍ക്കും ഇത്തരം സുരക്ഷയുടെ ചുമതല നല്‍കുമെന്നും അദ്ദേഹം പറഞ്ഞു. സി.ഐ.എസ്.എഫിന്റെ ആറു പരിശീലന കേന്ദ്രങ്ങളില്‍ നിന്നുള്ളവര്‍ വ്യോമ സുരക്ഷയുടെ കാര്യത്തില്‍ ശ്രദ്ധിക്കുമെന്നും മറ്റ് കാര്യങ്ങള്‍ ഉടന്‍ നടപ്പിലാക്കുമെന്നും ഒ.പി സിങ് കൂട്ടിച്ചേര്‍ത്തു.