അഹമ്മദാബാദ്: ഗുജറാത്ത് എം.പിയും കോണ്‍ഗ്രസിന്റെ മുതിര്‍ന്ന നേതാവുമായ അഹമ്മദ് പട്ടേലിന്റെ മകനും മരുമകനും കുരുക്കില്‍. സാമ്പത്തിക കുറ്റകൃത്യത്തെ തുടര്‍ന്ന് ഇരുവരും എന്‍ഫോഴ്‌സ്‌മെന്റ് ഡയറക്ടറേറ്റിന്റെ നിരീക്ഷണത്തിലാണ്. പട്ടേലിന്റെ മകന്‍ ഫൈസല്‍ പട്ടേല്‍, മരുമകന്‍ ഇര്‍ഫാന്‍ സിദ്ദീഖ് എന്നിവരാണ് സംശയത്തിന്റെ നിഴലിലുള്ളത്. കഴിഞ്ഞ ദിവസം പണം തട്ടിപ്പ് കേസില്‍ പ്രമുഖ കമ്പനിയുടെ കോര്‍പ്പറേറ്റ് എക്‌സിക്യൂട്ടീവിനെ എന്‍ഫോഴ്‌സ്‌മെന്റ് ഉദ്യോഗസ്ഥര്‍ ചോദ്യം ചെയ്തിരുന്നു.
തട്ടിപ്പില്‍ ഫൈസലിനും ഇര്‍ഫാനും പങ്കുള്ളതായി ഇയാള്‍ മൊഴി നല്‍കിയിട്ടുണ്ട്. ഇടപാടുമായി ബന്ധപ്പെട്ട് വന്‍തുക ഇരുവരും കൈമാറിയതായി ഇയാള്‍ എഴുതി ന്‍കിയിട്ടുണ്ട്. അടുത്ത ദിവസം തന്നെ ഇരുവരെയും ചോദ്യം ചെയ്യുമെന്നാണ് സൂചന.