ഷാർജ: സംരംഭക മേഖലയിലെ നവീകരണവും സ്വാധീനവും ആഘോഷിക്കാനായി ഷാർജ ഓൺട്രപ്രണർഷിപ് ഫെസ്റ്റിവൽ (എസ്‌ ഇ എഫ് ) 2024 സെഫി അവാർഡുകൾക്കു തുടക്കം കുറിച്ചു.  അവാർഡുകൾ നോമിനേഷനുകളെ അടിസ്ഥാനമാക്കിയുള്ളതാണ്.  യുഎഇയുടെ സംരംഭക മേഖലയിലെ നേട്ടങ്ങൾക്ക് മികച്ച സ്റ്റാർട്ടപ്പ് സ്ഥാപകരെയും ഉപദേശകരെയും ആദരിക്കുകയും ചെയ്യും. നാമനിർദ്ദേശങ്ങൾ ഇപ്പോൾ https://sheraa.info/sef2024-seffyawards എന്ന ലിങ്കിൽ ലഭ്യമാണ്. എൻട്രികൾ സമർപ്പിക്കാനുള്ള അവസാന തീയതി 2024 ജനുവരി 18 ആണ്.

ഷാർജ ഓൺട്രപ്രണർഷിപ് ഫെസ്റ്റിവലിന്റെ അവിഭാജ്യ ഘടകമാണ് സെഫി അവാർഡുകൾ.  ഷാർജ ഓൺട്രപ്രണർഷിപ് സെന്റർ (ഷേറ) വിവിധ വിഭാഗങ്ങളിലെ അസാധാരണ സംഭാവനകൾക്ക്‌ അതിന്റെ സ്ഥാപകരെയും ഉപദേശകരെയും ആദരിക്കാറുണ്ട്. അതേസമയം,  നാല് വ്യത്യസ്ത വിഭാഗങ്ങളുള്ള സംരംഭകത്വത്തിന്റെ വൈവിധ്യമാർന്ന വ്യാപനം ഇത് ഉൾക്കൊള്ളുന്നു.  ഓരോന്നും സംരംഭകത്വ വിജയത്തിന്റെ സവിശേഷമായ മുഖങ്ങളെ പ്രകാശിപ്പിക്കുന്നതാണ്.

വിഭാഗങ്ങൾ:

നൂതന ഉൽപ്പന്നങ്ങളോ സേവനങ്ങളോ സ്ട്രാറ്റജിയോ മുഖേന ഭാവിയെ പുനർവിചിന്തനം ചെയ്യുന്ന സ്ഥാപകരെ അംഗീകരിക്കാൻ ടെക്പ്രെനിയർ അവാർഡ് നൽകുന്നു. എമേർജിംഗ് ഫൗണ്ടർ അവാർഡിനു യുവാക്കളെയാണ് തെരണത്തെടുക്കുന്നതു. സ്റ്റാർട്ടപ്പുകളെ വിജയത്തിലേക്ക് നയിക്കാൻ വിലമതിക്കാനാവാത്ത പിന്തുണയും അറിവും വാഗ്ദാനം ചെയ്യുന്നതിൽ പ്രധാന പങ്ക് വഹിക്കുന്ന ഉപദേഷ്ടാക്കൾക്ക് മികച്ച മെന്റർ അവാർഡ് സമർപ്പിക്കുന്നു- ഷേറാ സിഇഒ നജ്‌ല അൽ മിദ്ഫ പറഞ്ഞു. ഫെബ്രുവരി 3, 4 തീയതികളിൽ നടക്കുന്ന ഷാർജ ഓൺട്രപ്രണർഷിപ് ഫെസ്റ്റിവലിൽ സെഫി അവാർഡ് ജേതാക്കളെ പ്രഖ്യാപിക്കും.