ഷാർജ: പശ്ചിമേഷ്യൻ സംഘർഷത്തെത്തുടർന്ന് യുഎഇയിലേക്കും തിരിച്ചുമുള്ള വിമാന സർവിസുകൾ താൽക്കാലികമായി റദ്ദാക്കി എയർ അറേബ്യ. മാർച്ച് 4 ബുധനാഴ്ച ഉച്ചയ്ക്ക് 3 മണി വരെയാണ് സർവിസുകൾ നിർത്തിവെച്ചിരിക്കുന്നത്. ചൊവ്വാഴ്ചയാണ് കമ്പനി ഇക്കാര്യം അറിയിച്ചത്.

അതേസമയം, ലബനൻ, ജോർദാൻ, സിറിയ, ഇറാഖ് എന്നിവിടങ്ങളിലേക്കുള്ള വിമാന സർവിസുകൾ മാർച്ച് 5 വരെ ഉണ്ടാകില്ലെന്നും കമ്പനി വ്യക്തമാക്കി.

സുരക്ഷാ അനുമതികൾക്ക് വിധേയമായി ബന്ധപ്പെട്ട അധികൃതരുമായി സഹകരിച്ച് ചില വിമാനങ്ങൾ മാത്രം സർവിസ് നടത്തിയേക്കും. ഈ വിമാനങ്ങളിൽ യാത്ര ചെയ്യുന്നവരെ നേരിട്ട് വിവരമറിയിക്കുമെന്നും എയർ അറേബ്യ അറിയിച്ചു.

ALSO READ: അബൂദബിയിലേക്കുള്ള ഇത്തിഹാദ് സര്‍വീസുകള്‍ നാളെ ഉച്ചവരെ തടസ്സപ്പെടും | UAE Flight Service

യാത്രക്കാർക്ക് നിർദ്ദേശം

സർവിസുകൾ പുനരാരംഭിക്കുന്നത് സംബന്ധിച്ച കൂടുതൽ വിവരങ്ങൾക്കായി യാത്രക്കാർ വിമാനക്കമ്പനിയുടെ വെബ്സൈറ്റ് പരിശോധിക്കുകയോ, കസ്റ്റമർ കെയറുമായി ബന്ധപ്പെടുകയോ ചെയ്യണമെന്ന് അധികൃതർ അറിയിച്ചു.

മേഖലയിലെ നിലവിലെ സുരക്ഷാ സാഹചര്യങ്ങൾ മുൻനിർത്തി യാത്രക്കാരുടെ സുരക്ഷ കണക്കിലെടുത്താണ് ഈ തീരുമാനമെന്ന് കമ്പനി വക്താവ് അറിയിച്ചു.

Air Arabia has temporarily suspended flights to and from the UAE until March 4, 3 pm, due to escalating tensions in West Asia. The airline cited security concerns and airspace closures as reasons for the suspension, affecting thousands of passengers.