ന്യൂഡല്‍ഹി: ഇറാന്‍ പരമോന്നത നേതാവ് ആയത്തുല്ല ഖാംനഈയുടെ വധത്തില്‍ മൗനം പാലിക്കുന്ന ഇന്ത്യന്‍ നിലപാടിനെ ചോദ്യം ചെയ്ത് മുതിര്‍ന്ന കോണ്‍ഗ്രസ് നേതാവ് സോണിയ ഗാന്ധി. ഈ സാഹചര്യത്തില്‍ മൗനം 'നിഷ്പക്ഷമല്ല', മറിച്ച് 'ഒഴിഞ്ഞുമാറല്‍' ആണെന്ന് അവര്‍ തുറന്നടിച്ചു. ദി ഇന്ത്യന്‍ എക്‌സ്പ്രസിലെ ഒരു കോളത്തിലാണ് അവരുടെ പ്രതികരണം.  ടെഹ്റാനുമായുള്ള ഡല്‍ഹിയുടെ ബന്ധം 'നാഗരികവും തന്ത്രപരവുമാണെന്ന് ലേഖനത്തില്‍ ചൂണ്ടിക്കാട്ടുന്നു.  ഇറാന്‍ ഇന്ത്യയെ സഹായിച്ച നിരവധി അവസരങ്ങളെക്കുറിച്ചും അവര്‍ നരേന്ദ്ര മോദി സര്‍ക്കാരിനെ ഓര്‍മ്മിപ്പിച്ചു.

ഇറാന്റെ പരമോന്നത നേതാവിന്റെ കൊലപാതകത്തിലോ പരമാധികാരത്തിന്‍മേലുള്ള കടന്നു കയറ്റത്തിലോ ഒന്ന് അപലപിക്കാന്‍ പോലും ഇന്ത്യന്‍ സര്‍ക്കാര്‍ തയ്യാറായില്ല. യു.എസും ഇസ്‌റാഈലും ചേര്‍ന്ന് നടത്തിയ വന്‍ ആക്രമണത്തെ കുറിച്ച് ഒരു വാക്ക് പോലും പ്രതികരിക്കാതിരുന്ന ഇന്ത്യന്‍ പ്രധാനമന്ത്രി തിരിച്ചടിയായി ഇറാന്‍ യുഎഇയില്‍ നടത്തിയ ആക്രമണത്തെ അപലപിച്ചു. ഈ ആക്രമണത്തിന് ഇടയാക്കിയ സാഹചര്യങ്ങളെ കുറിച്ച് ഒന്ന് പാരമര്‍സിക്കുക പോലും ചെയ്യാതെയായിരുന്നു നരേന്ദ്രമോദിയുടെ പ്രതികരണം. 

ALSO READ: പശ്ചിമേഷ്യന്‍ രാജ്യങ്ങളില്‍ നിന്ന് ഉടന്‍ മടങ്ങാന്‍ പൗരന്‍മാര്‍ക്ക് നിര്‍ദ്ദേശം നല്‍കി യു.എസ്; മേഖലയിലേക്ക് കൂടുതല്‍ യുദ്ധ വിമാനങ്ങള്‍ അയച്ചതായി സൂചന
പിന്നീട്, അദ്ദേഹം  'ആഴത്തിലുള്ള ആശങ്ക'പ്രകടിപ്പിച്ചു, 'സംവാദത്തെയും നയതന്ത്രത്തെയും' കുറിച്ച് സംസാരിച്ചു.  എന്നാല്‍ ഇറാനെതിരെ ഇസ്‌റാഈലും യുഎസും ആരംഭിച്ച  പ്രകോപനമില്ലാത്ത ആക്രമണങ്ങള്‍ക്ക് മുമ്പ് കൃത്യമായി അതാണ് നടന്നിരുന്നത്- അവര്‍ ചൂണ്ടിക്കാട്ടി. കൃത്യമായി ഒരു രാജ്യത്തിന്റെ പരമോന്നത നേതാവിനെ കൊലപ്പെടുത്തുക എന്ന ലക്ഷ്യത്തോടെ നടത്തിയ ആക്രമണത്തില്‍ ഒന്ന് അപലപിക്കുക പോലും ചെയ്യാത്തത് നമ്മുടെ വിദേശനയത്തിന്റെ ദിശയെയും വിശ്വാസ്യതയെയും കുറിച്ച് ഗുരുതരമായ സംശയങ്ങള്‍ ഉയര്‍ത്തുന്നുവെന്നും അവര്‍ ലേഖനത്തില്‍ തുറന്നടിച്ചു.

ALSO READ: മന്‍സൂറ ഖജസ്ത ബാഖര്‍സാദ: ഖാംനഇയുടെ കരുത്തായിരുന്ന നിശബ്ദ സാന്നിധ്യം; വിപ്ലവകാലത്ത് ഒപ്പം നിന്നു

'ഈ സാഹചര്യത്തില്‍ നിശബ്ദത നിഷ്പക്ഷമല്ല. ഔപചാരികമായ ഒരു യുദ്ധപ്രഖ്യാപനം നടത്താതെ തുടര്‍ച്ചയായ നയതന്ത്ര പ്രക്രിയകള്‍ നടന്നു കൊണ്ടിരിക്കുന്നതിനിടയിലാണ് ഈ കൊലപാതകം നടത്തിയിരിക്കുന്നത്. ഏതെങ്കിലും  രാജ്യത്തിന്റെ പ്രാദേശിക സമഗ്രതയ്ക്കോ രാഷ്ട്രീയ സ്വാതന്ത്ര്യത്തിനോ എതിരായ ഭീഷണിയോ ബലപ്രയോഗമോ ഐക്യരാഷ്ട്രസഭയുടെ ചാര്‍ട്ടറിന്റെ ആര്‍ട്ടിക്കിള്‍ 2(4) നിരോധിക്കുന്നുണ്ട്. ഒരു രാഷ്ട്രത്തലവനെ കൊലപ്പെടുത്താന്‍ ലക്ഷ്യം വച്ചുള്ള ആക്രമണം ഈ തത്വങ്ങളുടെ കാതലായ ഭാഗത്തെയാണ് ബാധിക്കുന്നത്. ലോകത്തിലെ ഏറ്റവും വലിയ ജനാധിപത്യ രാജ്യത്തിന്റെ തത്വാധിഷ്ഠിതമായ എതിര്‍പ്പില്ലാതെ അത്തരം പ്രവൃത്തികള്‍ നടന്നാല്‍, അന്താരാഷ്ട്ര മാനദണ്ഡങ്ങളുടെ തകര്‍ച്ച സാധാരണ നിലയിലാക്കാന്‍ എളുപ്പമാകും- അവര്‍ ചൂണ്ടിക്കാട്ടി. 

sonia gandhi has strongly criticized the indian government for remaining silent on the assassination of iran’s supreme leader ayatollah ali khamenei, stating that silence is not neutrality but evasion.