റിയാദ്: സഊദി അറേബ്യയിലുള്ള ഇന്ത്യൻ പൗരന്മാർക്ക് ജാ​ഗ്രത നിർദേശം നൽകി ഇന്ത്യൻ എംബസി. സഊദിയിലെ ഇന്ത്യൻ എംബസിയാണ് പൗരന്മാർക്ക് നിർദേശം നൽകിയത്. ജാഗ്രത പാലിക്കണമെന്നും ഇന്ത്യയിലേക്ക് യാത്ര ചെയ്യാൻ ആഗ്രഹിക്കുന്നവർ, നിലവിൽ ആരംഭിച്ചിട്ടുള്ള വിമാന സർവീസുകളെ ആശ്രയിക്കാനും നിർദേശത്തിൽ പറയുന്നു. 

ഇതിനിടെ, ഇറാനിലെ ഇന്ത്യൻ എംബസി വിദ്യാർഥികളെ സുരക്ഷിതമായി മാറ്റിയതായി അറിയിച്ചു. തെഹ്റാനിൽ ഉണ്ടായിരുന്ന വിദ്യാർഥികളെ സുരക്ഷിതസ്ഥാനങ്ങളിലേക്ക് മാറ്റിയതായി എംബസി അറിയിച്ചു. ഇവരുടെ ഭക്ഷണവും താമസവും ഉറപ്പാക്കിയിട്ടുണ്ടെന്നും എംബസി പറഞ്ഞു. എന്നാൽ ഒഴിയാൻ തയ്യാറാകാത്ത കുറച്ചു വിദ്യാർഥികൾ ഇപ്പോഴും തെഹ്റാനിൽ ഉണ്ടെന്നും എംബസി അറിയിച്ചു.

ALSO READ: 'നിശബ്ദത നിഷ്പക്ഷതയല്ല, ഒഴിഞ്ഞുമാറലാണ്' ഖാംനഈയുടെ വധത്തില്‍ ഇന്ത്യ മൗനം പാലിക്കുന്നതിനെതിരെ രൂക്ഷ പ്രതികരണവുമായി സോണിയ

സോഷ്യൽ മീഡിയ വഴിയും അല്ലാതെയും സഹായം അഭ്യർത്ഥിച്ച മുഴുവൻ പേരെയും മാറ്റിയിട്ടുണ്ട്. സംഘർഷത്തെ തുടർന്ന് വ്യോമപാതകൾ അടക്കുകയും വിമാനങ്ങൾ റദ്ദാക്കുകയും ചെയ്തതോടെയാണ് വിദ്യാർഥികൾ ഉൾപ്പെടെയുള്ളവർ ആശങ്കയിലായി സഹായം അഭ്യർത്ഥിച്ചത്.