മേലാറ്റൂര്‍: സ്വാതന്ത്ര്യദിനാഘോഷത്തിന്റെ ഭാഗമായി എടപ്പറ്റ ഹയാത്തുസ്വിബിയാന്‍ മദ്‌റസയില്‍ ക്ലാസ് അലങ്കരിക്കല്‍ മത്സരം നടത്തി. സ്വാതന്ത്ര്യദിന സന്ദേശം, ക്ലാസ് ശുചീകരണം തുടങ്ങിയ കാര്യങ്ങളില്‍ ഊന്നിക്കൊണ്ടായിരുന്നു മത്സരം. പ്ലസ് വണ്‍, പത്ത്, എട്ട് ക്ലാസുകള്‍ യഥാക്രമം ഒന്ന്, രണ്ട്, മൂന്ന് സ്ഥാനങ്ങള്‍ നേടി. മുന്‍ എടപ്പറ്റ പഞ്ചായത്ത് മെമ്പര്‍ കുട്ടന്‍, കൃഷ്ണപ്രഭ തുടങ്ങിയവര്‍ മത്സര വിധികര്‍ത്താക്കളായി. സയ്യിദ് ഒ.എം.എസ് തങ്ങള്‍ നിസാമി, സദര്‍ മുഅല്ലിം മഹബൂബ് അന്‍വരി, മദ്‌റസ പ്രസിഡന്റ് ഒ.കെ.എസ് നാണിപ്പ തങ്ങള്‍, സെക്രട്ടറി അഷ്‌റഫ്, അധ്യാപകരായ അസൈനാര്‍  മുസ്‌ലിയാര്‍, മുജീബ് മുസ്‌ലിയാര്‍, മുഹമ്മദാലി മുസ്‌ലിയാര്‍, ശംസുദ്ധീന്‍ഫൈസി പങ്കെടുത്തു.