വിമാനം വൈകുന്നത് റിപ്പോർട്ട് ചെയ്യുന്നതിനിടെ പൈലറ്റിന് യാത്രക്കാരന്റെ മർദനം

ന്യൂഡൽഹി: വിമാനം വൈകുന്നത് റിപ്പോർട്ട് ചെയ്യുന്നതിനിടെ പൈലറ്റിന് യാത്രക്കാരന്റെ മർദനം. ഡൽഹി വിമാനത്താവളത്തിൽ വെച്ച് ഇൻഡി​ഗോ വിമാനത്തിലാണ് യുവാവ് പൈലറ്റിനെ മർദിച്ചത്. ഇന്നലെ രാത്രി ഒരു മണിയ്ക്കാണ് സംഭവം. സംഭവത്തിൽ നടപടി എടുക്കുമെന്ന് പൊലിസ് അറിയിച്ചു.

വിമാനം വൈകുമെന്ന് പൈലറ്റ് അനൗൺസ് ചെയ്യുകയായിരുന്നു. ഇതിനിടയിൽ യാത്രക്കാരിൽ നിന്ന് ഒരു യുവാവ് എഴുന്നേറ്റ് വന്ന് പൈലറ്റിനെ ആക്രമിക്കുകയായിരുന്നു. ആക്രമണം തുടർന്നതോടെ വിമാനത്തിലെ മറ്റു ജീവനക്കാർ തടഞ്ഞു. അതേസമയം, യാത്രക്കാരൻ പൈലറ്റിനെ ആക്രമിക്കുന്ന ദൃശ്യങ്ങൾ പുറത്തുവന്നിട്ടുണ്ട്.

സംഭവത്തിൽ യാത്രക്കാരനെതിരെ പരാതി നൽകിയെന്ന് ഇൻഡി​ഗോ അധികൃതർ അറിയിച്ചു. നടപടിയെടുക്കുമെന്ന് ഡൽഹി പൊലിസും അറിയിച്ചു. ഏവിയേഷൻ സെക്യൂരിറ്റി ഏജൻസിയും അന്വേഷണം തുടങ്ങിയിട്ടുണ്ട്.