ഇന്ത്യന്‍ വിമാനമെന്ന റിപ്പോര്‍ട്ട് തള്ളി കേന്ദ്രം

കാബൂള്‍: അഫ്ഗാനിസ്ഥാനില്‍ യാത്രാവിമാനം തകര്‍ന്ന് വീണു. ബദ്ക്ഷാന്‍ ഇന്‍ഫര്‍മേഷന്‍ ആന്റ് കള്‍ച്ചര്‍ ഡിപ്പാര്‍ട്ട്‌മെന്റ് മേധാവിയെ ഉദ്ധരിച്ച് ടോളോ ന്യൂസ് ആണ് ഇക്കാര്യം റിപ്പോര്‍ട്ട് ചെയ്തത്.

അതേസമയം ഇന്ത്യയില്‍ നിന്ന് റഷ്യയിലേക്ക് പുറപ്പെട്ട വിമാനമാണ് തകര്‍ന്നെന്ന് തരത്തില്‍ നേരത്തേ അഫ്ഗാനിസ്ഥാന്‍ മാധ്യമങ്ങള്‍ റിപ്പോര്‍ട്ട് ചെയ്തിരുന്നു. ഇന്ത്യന്‍ വിമാനമാണെന്ന അഭ്യൂഹം കേന്ദ്ര വ്യോമയാന മന്ത്രാലയം തള്ളി. മൊറോക്കയില്‍ രജിസ്റ്റര്‍ ചെയ്ത ചെറുവിമാനമാണെന്ന് വ്യോമയാന മന്ത്രാലയം എക്‌സിലൂടെ അറിയിച്ചു.

'അഫ്ഗാനിസ്താനില്‍ ഇപ്പോള്‍ സംഭവിച്ച നിര്‍ഭാഗ്യകരമായ വിമാനാപകടത്തില്‍പ്പെട്ടത് ഒരു ഇന്ത്യന്‍ ഷെഡ്യൂള്‍ഡ് എയര്‍ക്രാഫ്‌റ്റോ നോണ്‍ ഷെഡ്യൂള്‍ഡ് (എന്‍എസ്ഒപി)/ചാര്‍ട്ടര്‍ വിമാനമോ അല്ല. മൊറോക്കന്‍ രജിസ്റ്റര്‍ ചെയ്ത ചെറുവിമാനമാണിത്' വ്യോമയാന മന്ത്രാലയം പ്രസ്താവനയില്‍ കുറിച്ചു.