ബിനീഷ് കോടിയേരിയെ ഇ.ഡി ചോദ്യം ചെയ്യുന്നു

കൊച്ചി: ബിനീഷ് കോടിയേരിയെ ഇഡി ചോദ്യം ചെയ്യുന്നു. കൊച്ചി ഓഫിസിലാണ് ചോദ്യം ചെയ്യല്‍. ഫെമ നിയമലംഘന കേസുമായി ബന്ധപ്പെട്ടാണ് ചോദ്യംചെയ്യല്‍. ബുധനാഴ്ച രാവിലെ ആരംഭിച്ച ചോദ്യംചെയ്യല്‍ തുടരുകയാണ്.

കേസില്‍ കൊച്ചി ഓഫീസില്‍ നേരിട്ട് ഹാജരാകണമെന്ന് ആവശ്യപ്പെട്ട് ഇഡി കഴിഞ്ഞ ആഴ്ച ബിനീഷിന് നോട്ടീസ് നല്‍കിയിരുന്നെങ്കിലും ബിനീഷ് ഹാജരായിരുന്നില്ല. തുടര്‍ന്ന്, ഇഡി വീണ്ടും നോട്ടീസ് നല്‍കിയതിനെ തുടര്‍ന്നാണ് ഇന്ന് ഹാജരായിരിക്കുന്നത്.

നേരത്തെ, ലഹരിക്കടത്ത് കേസില്‍ പിടിയിലായ അനൂപ് മുഹമ്മദുമായി ചേര്‍ന്ന് ബിനീഷ് കള്ളപ്പണം വെളുപ്പിച്ചെന്ന കേസില്‍ 2020 ഒക്ടോബര്‍ 29ന് ബിനീഷിനെ ഇ.ഡി. അറസ്റ്റ് ചെയ്തിരുന്നു. അനധികൃതമായി പണം സമ്പാദിച്ചെന്നും ഇ.ഡി. ആരോപിച്ചിരുന്നു. പിന്നീട് കോടതി ഉപാധികളോടെ ജാമ്യം അനുവദിക്കുകയായിരുന്നു.