'ഗവര്‍ണര്‍ക്ക് ക്ഷീണം മാറ്റാന്‍ സംഭാരം'; തിരുവനന്തപുരത്തും എസ്.എഫ്.ഐ പ്രതിഷേധം

തിരുവനന്തപുരം: തൈക്കാട് ഗസ്റ്റ് ഹൗസിനു സമീപം വിവരാവകാശ കമ്മിഷന്‍ സംഘടിപ്പിക്കുന്ന സെമിനാറില്‍ പങ്കെടുക്കാന്‍ എത്തുന്ന ഗവര്‍ണര്‍ക്ക് നല്‍കാന്‍ സംഭാരവുമായി സംഘടിച്ചെത്തി എസ്.എഫ്.ഐ പ്രവര്‍ത്തകര്‍. നിലമേലില്‍ റോഡിലിരുന്ന് ക്ഷീണിച്ച ഗവര്‍ണര്‍ക്ക് ക്ഷീണമകറ്റാനെന്ന പേരിലാണ് സംഭാരണ പ്രതിഷേധവുമായി പ്രവര്‍ത്തകരെത്തിയത്. ഇവരെ പൊലിസ് കസ്റ്റഡിയിലെടുത്തു. എസ്.എഫ്.ഐ ജില്ലാ സെക്രട്ടറി ആദര്‍ശ് അടക്കമുള്ളവരെയാണ് അറസ്റ്റ് ചെയ്തു നീക്കിയത്.

ഗവര്‍ണറുടെ വാഹനം അതുവഴി കടന്നുപോകവെ പൊലിസ് കസ്റ്റഡിയിലിരുന്ന എസ്.എഫ്.ഐ പ്രവര്‍ത്തകര്‍ ജീപ്പിലിരുന്ന് കരിങ്കൊടി വീശി.

നിലമേലില്‍ ഉണ്ടായ പ്രതിഷേധത്തിന് പിന്നാലെ ഗവര്‍ണര്‍ക്കെതിരായ സമരത്തില്‍ നിന്ന് പിന്നോട്ടുപോകില്ലെന്ന് എസ്.എഫ്.ഐ സംസ്ഥാന സെക്രട്ടറി പി.എം ആര്‍ഷോ വാര്‍ത്താസമ്മേളനത്തില്‍ വ്യക്തമാക്കിയിരുന്നു.