മനാമ: ബഹ്‌റൈനില്‍ പൊലിസ് വിലക്ക് ലംഘിച്ച് അനധികൃതമായി റാലി നടത്തിയവരെ അറസ്റ്റ് ചെയ്തു.  ഇവിടെ ദുറാസില്‍  നടന്ന അനധികൃത റാലിക്ക് നേതൃത്വം നല്‍കിയ മൂന്ന് പേരെയാണ് റിമാഡ് ചെയ്തിരിക്കുന്നത്. നേരത്തെ നിരവധി തവണ ഇവര്‍ക്ക് മുന്നറിയിപ്പ് നല്‍കിയിരുന്നതാണ്. ഇത് ലംഘിച്ചതാണ് അറസ്റ്റിന് കാരണം.
സംഭവത്തില്‍ നാലുപേരെ പേരെ പോലീസ് പിടികൂടിയിരുന്നെങ്കിലും നാലാമനെ ചോദ്യം ചെയ്യലിന് ശേഷം വിട്ടയച്ചുവെന്ന് നോര്‍ത്തേണ്‍ ഗവര്‍ണറേറ്റ് ഡപ്യൂട്ടി പ്രോസിക്യൂട്ടര്‍ മഹ്്മൂദ് അല്‍ സിദ്ദിഖി വ്യക്തമാക്കി.  അതേസമയം പ്രതികളെ സംബന്ധിച്ചുള്ള കൂടുതല്‍ വിവരങ്ങള്‍ പുറത്തുവിട്ടിട്ടില്ല. കൂടുതല്‍ അന്വേഷണം നടക്കുകയാണെന്ന് വിശദാംശങ്ങള്‍ പിന്നീട് വ്യക്തമാക്കുമെന്നും അധികൃതര്‍ അറിയിച്ചു.