മനാമ:ബഹ്റൈൻ ആരോഗ്യ മന്ത്രാലയം പ്രമേഹ രോഗികൾക്ക് വളരെയേറെ പ്രയോജനകരമാകുന്ന പുതിയ മരുന്നിന് അംഗീകാരം നൽകി . രക്തത്തിലെ പഞ്ചസാരയുടെ അളവ് കുറയ്ക്കുന്നതിന് സഹായിക്കുന്ന മൗഞ്ചാരോ ടിർസെപാറ്റൈഡ് ഇഞ്ചക്ഷൻ ഉപയോഗിക്കുന്നതിനാണ് നാഷനൽ ഹെൽത്ത് റെഗുലേറ്ററി അതോറിറ്റി (എൻഎച്ച്ആർഎ) അംഗീകാരം നൽകിയിരിക്കുന്നത്.

ടൈ​പ്പ് 2 പ്ര​മേ​ഹ​ത്തി​ന് ഫ​ല​പ്ര​ദ​മാ​യ മ​രു​ന്നാ​ണ് ഇ​ത്. ഇത് ശ​രീ​ര​ഭാ​രം കു​റ​ക്കു​ന്ന​തി​നും സ​ഹാ​യ​ക​മാ​ണ്. അമിതവണ്ണം, പ്രമേഹം എന്നിവയുമായി ബന്ധപ്പെട്ട രോഗങ്ങളുടെ ചികിത്സക്ക് സഹായിക്കുന്ന എല്ലാ മരുന്നുകളും ലഭ്യമാക്കാനുള്ള നയത്തിൻറെ ഭാഗമായാണ് പുതിയ മരുന്നിന് അംഗീകാരം നൽകിയത്. മരുന്ന് രാജ്യത്തെ ഫാർമസികളിൽ ലഭ്യമാണെന്നും മെഡിക്കൽ കുറിപ്പടികൾക്ക് അനുസൃതമായി മാത്രം ഉപയോഗിക്കണമെന്നും എൻഎച്ച്ആർഎ വ്യക്തമാക്കി.

ഈ ​മ​രു​ന്ന് വി​പ​ണി​യി​ൽ ന​ൽ​കു​ന്ന ആ​ദ്യ രാ​ജ്യ​ങ്ങ​ളി​ലൊ​ന്നാ​ണ് ബ​ഹ്‌​റൈ​ൻ. എല്ലാ മരുന്നുകളെയും ഫാർമസ്യൂട്ടിക്കലുകളെയും കുറിച്ച് ആഴത്തിലുള്ള പഠനങ്ങൾ നടത്താനും അവയുടെ സുരക്ഷിതമായ ഉപയോഗം ഉറപ്പാക്കാനുമുള്ള പ്രതിബദ്ധത തങ്ങൾക്കുണ്ടെന്ന് നാഷനൽ ഹെൽത്ത് റെഗുലേറ്ററി അതോറിറ്റി അറിയിച്ചു.

Content Highlights:Bahrain: New drug approved for diabetes patients