മലപ്പുറത്ത് മണ്ണിടിഞ്ഞുവീണ് 3 പേര്‍ക്ക് പരുക്ക്; ഒരു തൊഴിലാളി മണ്ണിനടിയില്‍ കുടുങ്ങി

മലപ്പുറം: മലപ്പുറം എടപ്പാള്‍ നടക്കാവില്‍ മണ്ണിടിഞ്ഞു വീണ് മൂന്നു പേര്‍ക്ക് പരുക്ക്. മതില്‍ നിര്‍മ്മാണത്തിനായി മണ്ണ് നീക്കുമ്പോളായിരുന്നു മണ്ണിടിഞ്ഞ് വീണ് അപകടമുണ്ടായത്. മാണൂര്‍ വിദ്യാഭവന്‍ സ്‌കൂളിന് സമീപമാണ് അപകടം. ബംഗാള്‍ സ്വദേശിയായ ഒരു തൊഴിലാളി മണ്ണിനടിയില്‍ കുടുങ്ങി കിടക്കുകയാണ്. സുജോണ്‍(30) ആണ് മണ്ണിനടിയില്‍ കുടുങ്ങിയത്. ഇയാളെ രക്ഷപ്പെടുത്താന്‍ അഗ്നിരക്ഷാ സേനയും നാട്ടുകാരും ശ്രമം തുടരുകയാണ്.