അണ്ടര്‍ 19 ലോകകപ്പ് സെമി ഫൈനലില്‍ ഇന്ത്യ ഇന്ന് ദക്ഷിണാഫ്രിക്കയെ തോല്‍പ്പിച്ച് ഫൈനലിലേക്ക് മുന്നേറി. 2 വിക്കറ്റിന്റെ വിജയമാണ് ഇന്ത്യ നേടിയത്. ദക്ഷിണാഫ്രിക്ക ഉയര്‍ത്തിയ 245 എന്ന വിജയ ലക്ഷ്യം പിന്തുടര്‍ന്ന ഇന്ത്യ 49ആം ഓവറിലേക്ക് 8 വിക്കറ്റ് നഷ്ടത്തില്‍ ലക്ഷ്യം കണ്ടു. ഒരു ഘട്ടത്തില്‍ 324 എന്ന നിലയിലായിരുന്ന ഇന്ത്യയെ ക്യാപ്റ്റന്‍ ഉദയ് സഹരണും സച്ചിന്‍ ദാസും ചേര്‍ന്ന് ആണ് കരകയറ്റിയത്.

ഇരുവരും അഞ്ചാം വിക്കറ്റില്‍ 171 റണ്‍സിന്റെ കൂട്ടുകെട്ട് ഉയര്‍ത്തി. സച്ചിന്‍ ദാസ് 95 പന്തില്‍ നിന്ന് 96 റണ്‍സ് എടുത്താണ് പുറത്തായത്. 11 ഫോറും ഒരു സിക്‌സും താരം അടിച്ചു. ക്യാപ്റ്റന്‍ ഉദയ് സഹരണ്‍ 124 പന്തില്‍ 84 റണ്‍സുമായി പുറത്താകുമ്പോള്‍ ആകെ ഒരു റണ്‍ മാത്രമെ ജയിക്കാന്‍ വേണ്ടിയിരുന്നുള്ളൂ. വലിയ പ്രയാസമില്ലാതെ ആ റണ്‍ നേടി ഇന്ത്യ ഫൈനലിലേക്ക് മുന്നേറി. ഇനി പാകിസ്താനും ഓസ്‌ട്രേലിയയും തമ്മിലുള്ള മത്സരത്തിലെ വിജയികളെ ആകും ഇന്ത്യ ഫൈനലില്‍ നേരിടുക. ഞായറാഴ്ച ആണ് ഫൈനല്‍ നടക്കുക.

അണ്ടര്‍ 19 ലോകകപ്പ്: ദക്ഷിണാഫ്രിക്കയെ തോല്‍പിച്ച് ഇന്ത്യ ഫൈനലില്‍