പാപ്പിനിശ്ശേരി: കല്ല്യാശ്ശേരി സൗത്ത് യു.പി സ്‌കൂളില്‍ വിളയിച്ച വെണ്ട കൃഷിയുടെ വിളവെടുപ്പ് പഞ്ചായത്ത് മെമ്പര്‍ കെ ഭാര്‍ഗവന്‍ ഉദ്ഘാടനം ചെയ്തു. 7, 5, 6 ക്ലാസുകളിലെ തിരഞ്ഞെടുത്ത 13 വിദ്യാര്‍ഥികളാണ് 50 ഗ്രോബാഗുകളിലായി വെണ്ട വിളയിച്ചെടുത്തത്. പച്ചക്കറി സ്‌കൂളിലെ ഭക്ഷണ ആവശ്യത്തിനായി ഉപയോഗിക്കും. ഇതിനു മുമ്പ് നെല്ല്, വെള്ളരി, തക്കാളി എന്നിവ വയലില്‍ കൃഷി ചെയ്തിട്ടുണ്ട്. അധ്യാപകരായ എം.പി സജിത്ത്, കെ ഷീജ, കെ.വി അനിത എന്നിവര്‍ നേതൃത്വം നല്‍കി.