വളപട്ടണം: ഗ്രാമപഞ്ചായത്ത് ലൈബ്രറിയുടെ ആഭിമുഖ്യത്തില്‍ സ്വാതന്ത്ര്യദിനത്തോട് അനുബന്ധിച്ച് ചരിത്ര പ്രഭാഷണവും ക്വിസ് മത്സരവും നടത്തി. ഗ്രാമപഞ്ചായത്ത് വൈസ്പ്രസിഡന്റ് ടി.പി മുഹമ്മദ് അഷ്‌റഫ് ഉദ്ഘാടനം ചെയ്തു. താലൂക്ക് ലൈബ്രറി കൗണ്‍സില്‍ അംഗം സി.പി അബ്ദുറഹിമാന്‍ അധ്യക്ഷനായി. സ്വാതന്ത്ര്യത്തിന്റെ നാള്‍വഴികള്‍ എന്ന വിഷയത്തില്‍ ചരിത്രാധ്യാപകനായ ഹരിദാസന്‍ നടുവലത്ത് ക്ലാസെടുത്തു. പഞ്ചായത്തംഗം വി.കെ ലളിതാദേവി സംസാരിച്ചു. സ്വാതന്ത്ര്യ സമരകാലം എന്ന വിഷയത്തില്‍ യുവാക്കള്‍ക്കായി ക്വിസ് മത്സരവും നടത്തി. പഞ്ചായത്ത് ലൈബ്രേറിയന്‍ ബിനോയ് മാത്യു സ്വാഗതവും ജോ.കണ്‍വീനര്‍ കെ നബീല്‍ നന്ദിയും പറഞ്ഞു.
കണ്ണൂര്‍: നവമാധ്യമ കൂട്ടായ്മ കെ.എസ് ബ്രിഗേഡിന്റെ നേതൃത്വത്തില്‍ പീതാംബര പാര്‍ക്കില്‍ സ്വാതന്ത്ര്യദിന അനുസ്മരണവും പായസ വിതരണവും നടത്തി. ബ്ലോക്ക് കോണ്‍ഗ്രസ് വൈസ്പ്രസിഡന്റ് ടി.സി താഹ ഉദ്ഘാടനം ചെയ്തു. പി.പി ഡാനിഷ് അധ്യക്ഷനായി. ഷംസുദ്ദീന്‍ മുണ്ടേരി, സമീര്‍, രഞ്ജിത്ത് കൂവേരി, ശരത്ത് പരിയാരം, ഷാനു തലശ്ശേരി നേതൃത്വം നല്‍കി.
പൊതുവാച്ചേരി: പൊതുവാച്ചേരി സെന്‍ട്രല്‍ യു.പി സ്‌കൂള്‍ പി.ടി.എയുടെ നേതൃത്വത്തില്‍ സ്വാതന്ത്ര്യദിന റാലി നടത്തി. പ്ലാസ്റ്റിക് മുക്ത സ്‌കൂള്‍ പ്രതിജ്ഞയും എടുത്തു. ഹെഡ്മാസ്റ്റര്‍ ബാബു, വാര്‍ഡ് മെമ്പര്‍ റഹുഫ്, കെ.വി അബ്ദുല്‍ അസീസ് കോയ്യോട് എന്നിവര്‍ നേതൃത്വം നല്‍കി.
പുറത്തീല്‍ ന്യൂ മാപ്പിള യു. പിയില്‍ മാനേജര്‍ മുഹമ്മദ്കുട്ടി ഹാജി പതാക ഉയര്‍ത്തി. ഘോഷയാത്ര, പായസ വിതരണം എന്നിവ നടത്തി. മുഹമ്മദ് അഷറഫ്, എം.കെ മുഹമ്മദ് ഷരീഫ്, ടി.കെ ലത, കെ.സി അയൂബ്, ടി.പി അബ്ദുല്ല, വി.കെ മാജിദ നേതൃത്വം നല്‍കി. കണ്ണൂര്‍ ടി.പി ആന്‍ഡ് ഇസ്‌ലാഹി കോംപ്ലക്‌സ് മര്‍ച്ചന്റ്‌സ് കമ്മിറ്റിയുടേയും അല്‍ സലാമ ഐ കെയര്‍ സെന്ററിന്റേയും സംയുക്താഭിമുഖ്യത്തില്‍ സ്വാതന്ത്ര്യദിനാഘോഷവും സൗജന്യ നേത്രരോഗ നിര്‍ണയ ചികിത്സാ ക്യാംപും ഡപ്യൂട്ടി മേയര്‍ പി.കെ രാഗേഷ് ഉദ്ഘാടനം ചെയ്തു. ജൂലിയറ്റ് അധ്യക്ഷയായി. എം.എം.വി മൊയ്തു, സത്താര്‍, ഡോ. രേഖ രവി സംസാരിച്ചു.
എന്‍.സി.പി എളയാവൂര്‍ മണ്ഡലം കമ്മിറ്റിയുടെ സ്വാതന്ത്ര്യദിനാഘോഷത്തില്‍ കറുവന്‍ വൈദ്യര്‍ പീടികയില്‍ മണ്ഡലം പ്രസിഡന്റ് ഡി രമേശന്‍ പതാക ഉയര്‍ത്തി. യോഗത്തില്‍ വി.കെ ഹരീന്ദ്രന്‍, കെ രവീന്ദ്രന്‍, സി.പി നരേന്ദ്രന്‍, കെ.കെ രജിത്ത്, കെ.എം രാജീവന്‍, കെ ജയരാജന്‍, സുലക്ഷണ രാജീവന്‍, എ.കെ പത്മനാഭന്‍, എന്‍ പ്രേമരാജന്‍ സംസാരിച്ചു.
കോണ്‍ഗ്രസ് പാപ്പിനിശ്ശേരി മണ്ഡലം കമ്മിറ്റിയുടെ ആഭിമുഖ്യത്തില്‍ സ്വാതന്ത്ര്യ സ്മൃതി സന്ദേശയാത്ര അഴീക്കോട് ബ്ലോക്ക് പ്രസിഡന്റ് ടി.കെ അജിത്ത് ഉദ്ഘാടനം ചെയ്തു. പി.വി രാമചന്ദ്രന്‍ മാസ്റ്റര്‍ മുഖ്യപ്രഭാഷണം നടത്തി. എം അബ്ദുറഹ്മാന്‍ ഹാജി, ഷഫീഖ് മാങ്കടവ്, ജാഫര്‍ മാങ്കടവ്, സി രാജീവന്‍ സംസാരിച്ചു.
സൗത്ത് യു.പി സ്‌കൂളിന്റെ ആഭിമുഖ്യത്തില്‍ സ്വാതന്ത്ര്യ ദിനാഘോഷവും ഇന്‍സ്‌പെയര്‍ അവാര്‍ഡ് ജേതാവ് ഫര്‍ഹാന്‍ ഫൗലാദ്‌നുള്ള അനുമോദനവും പരീക്ഷയില്‍ ഉയര്‍ന്ന ഗ്രേഡ് നേടിയവര്‍ക്ക് കാഷ് അവാര്‍ഡ് വിതരണവും നടത്തി. ടി.കെ.ഡി മുഴപ്പിലങ്ങാട് ഉദ്ഘാടനം ചെയ്തു. കെ ജയന്തി അധ്യക്ഷയായി. പി.പി അബ്ദുറഹ്മാന്‍, സി.എച്ച് നാരായണന്‍, വി ബാലകൃഷ്ണന്‍ സംസാരിച്ചു.