അമിനി: എസ്.കെ.എസ്.എസ്.എഫ് സംസ്ഥാന കമ്മിറ്റിയുടെ അഹ്വാന പ്രകാരം രാജ്യത്തിന്റെ വിവിധ ഭാഗങ്ങളില്‍ സംഘടിപ്പിച്ച 'ഫ്രിഡം സ്‌ക്വയര്‍'ന്റെ ലക്ഷദ്വീപ് അമിനി മേഖലാ പൊതുസമ്മേളനം അമിനി സബ് ഡിവിഷണല്‍ ഓഫിസര്‍ ടി കാസിം ഉദ്ഘാടനം ചെയ്തു.
നായിബ് ഖാസി ഹംസകോയ ദാരിമിയുടെ പ്രര്‍ഥനയോടെ ആരംഭിച്ച യോഗത്തില്‍ ഖത്തീബ് അബ്ദുള്ള കോയാ ദാരിമി അധ്യക്ഷത വഹിച്ചു. സര്‍ക്കിള്‍ ഇന്‍പെക്ടര്‍ അലി അക്ബര്‍, മെഡിക്കല്‍ ഓഫിസര്‍ ഡോ. മുഹമ്മദ് ഖലീല്‍ ഖാന്‍, ശ്രി. സാജു തോമസ്, മുഹമ്മദ്, പി.കെ അബ്ദുല്‍ സലാം, ഹംസകോയ ദാരിമി, പി.കെ. അയ്യുബു ദാരിമി, അഷറഫ് മടം, അബ്ദുല്‍ റഹിം ഫൈസി തുടങ്ങിയവര്‍ സംസാരിച്ചു.
എം മുഹമ്മദ്‌കോയ മുഖ്യ പ്രഭാഷണം നടത്തി. അഹ്മദ് നഹാ ഹുദവി സ്വാഗതവും കെ.ബി സൈദ് ഷൈക്‌കോയ നന്ദിയും പറഞ്ഞു.