ആലുവ: ഏലൂക്കര സര്‍വീസ് സഹകരണ ബാങ്കിന്റെ സുപ്രിയ വെളിച്ചെണ്ണ വിപണിയിലിറക്കി . കൊച്ചിമേയര്‍ സൗമിനി ജെയിന്‍ കടുങ്ങല്ലൂര്‍ പഞ്ചായത്ത് പ്രസിഡന്റ് രത്‌നാമ്മ സുരേഷിനു നല്‍കി കൊï് വിപണോദ്ഘാടനം നിര്‍വഹിച്ചു. ബാങ്ക് പ്രസിഡന്റ് ടി.എം സെയ്തുകുഞ്ഞ് അധ്യക്ഷത വഹിച്ചു. ബാങ്ക് നടപ്പാക്കുന്ന മൊബൈല്‍ ബാങ്കിങ്ങിന്റെ ഉദ്ഘാടനം ജില്ല പഞ്ചായത്ത് വൈസ് പ്രസിഡന്റ് അഡ്വ. ബി.എ അബ്ദുള്‍മുത്തലിബ് നിര്‍വഹിച്ചു.
ആലുവ നഗരസഭ ചെയര്‍പേഴ്‌സണ്‍ ലിസി ഏബ്രാഹം മുഖ്യാതിഥിയായിരുന്നു. എം.ടി ജേക്കബ്, സര്‍ക്കിള്‍ സഹകരണ യൂണിയന്‍ ചെയര്‍മാന്‍ എം.കെ ബാബു,  കെ.കെ ജിന്നാസ് , ഇ.എം നസീര്‍ബാബു, സി.കെ ജലീല്‍, ബീന മുഹമ്മദ് എന്നിവര്‍ സംസാരിച്ചു. ബാങ്ക് ഡയക്ടര്‍ ബോര്‍ഡംഗം എ.ബി.സേതുമാധവന്‍ സ്വാഗതവും സെക്രട്ടറി സി.എം.സക്കീര്‍ നന്ദിയും പറഞ്ഞു.