റിയാദ്: വിദേശ വിദ്യാര്‍ത്ഥികള്‍, അദ്ധ്യാപകര്‍ എന്നിവരെ രാജ്യത്തേക്ക് എത്തിക്കാന്‍ പുതിയ പദ്ധതികളുമായി സഊദി.വിദ്യാഭ്യാസ, ഗവേഷണ മേഖലകള്‍ ഉത്തേജിപ്പിക്കുന്നതിനായി വിദേശ വിദ്യാര്‍ത്ഥികളെയും അക്കാദമിക് വിദഗ്ധരെയും രാജ്യത്തേക്ക് ആകര്‍ഷിക്കുന്നതിനാണ് വിസ രൂപകല്‍പ്പന ചെയ്തിരിക്കുന്നത്. വ്യാഴാഴ്ച റിയാദില്‍ സമാപിച്ച ദ്വിദിന ഹ്യൂമന്‍ കപ്പാസിറ്റി ഇനിഷ്യേറ്റീവ് കോണ്‍ഫറന്‍സിലാണ് പ്രഖ്യാപനം.സൗദി സര്‍വ്വകലാശാലകളില്‍ ചേരാന്‍ ആഗ്രഹിക്കുന്ന വിദേശ വിദ്യാര്‍ത്ഥികള്‍ക്കായി പ്രത്യേകം രൂപകല്‍പ്പന ചെയ്ത 'സ്റ്റഡി ഇന്‍ സൗദി അറേബ്യ' പ്ലാറ്റ്‌ഫോമിലൂടെയാണ് വിസ നല്‍കുന്നത്.

ഇതുവഴി ഹ്രസ്വകാല കോഴ്‌സുകള്‍ക്ക് അപേക്ഷിക്കാനാകും. പ്ലാറ്റ്‌ഫോമില്‍ വിവിധ ഭാഷകളില്‍ സേവനം ലഭ്യമാണ്. സൗദിയില്‍ പഠിക്കാന്‍ ആഗ്രഹിക്കുന്ന വിദ്യാര്‍ഥികള്‍ക്ക് നടപടിക്രമങ്ങള്‍ സുഗമമാക്കുന്നതാണ് ഈ പോര്‍ട്ടല്‍. വിദ്യാര്‍ത്ഥികള്‍ക്ക് അവരുടെ ഇഷ്ടത്തിനനുസരിച്ച് വിദ്യാഭ്യാസ ഓപ്ഷനുകള്‍ തിരഞ്ഞെടുക്കാന്‍ സാധിക്കും.ഈ സംവിധാനം വഴി വിദേശ,വിദ്യാഭ്യാസ മന്ത്രാലയങ്ങള്‍ മറ്റ് വകുപ്പുകള്‍ എന്നിവയുമായി ബന്ധപ്പെട്ട നടപടികള്‍ വേഗത്തിലാക്കാന്‍ കഴിയും എന്നാണ് പുറത്ത് വരുന്ന റിപ്പോര്‍ട്ടുകള്‍.

saudi education foreign ministries launch study visa international students