സി.എ ഫൗണ്ടേഷനും, ഇന്ററും ഇനിമുതല്‍ വര്‍ഷത്തില്‍ 3 തവണ; പ്രഖ്യാപനം ഉടന്‍

ഇന്‍സ്റ്റിറ്റ്യൂട്ട് ഓഫ് ചാര്‍ട്ടേഡ് അക്കൗണ്ടന്റ്‌സ് ഓഫ് ഇന്ത്യയുടെ (ഐ.സി.എ.ഐ) സി.എ ഫൗണ്ടേഷന്‍, ഇന്റര്‍ പരീക്ഷകള്‍ ഇനിമുതല്‍ വര്‍ഷത്തില്‍ മൂന്ന് തവണ നടക്കും. ഫൈനല്‍ പരീക്ഷ നിലവിലെ പോലെ വര്‍ഷത്തില്‍ 2 തവണയായി തുടരും.

ഇപ്പോള്‍ മേയ്-ജൂണ്‍, നവംബര്‍- ഡിസംബര്‍ എന്നിങ്ങനെ രണ്ട് സെഷനുകളായാണ് സി.എ പരീക്ഷകള്‍ നടക്കുന്നത്. കൂടുതല്‍ വിശദാംശങ്ങള്‍ ഉടന്‍ പ്രഖ്യാപിക്കുമെന്നാണ് ഐ.സി.എ.ഐ അധികൃതരില്‍ നിന്നുള്ള റിപ്പോര്‍ട്ട്.

അതേസമയം ഇന്‍സ്റ്റിറ്റ്യൂട്ട് ഓഫ് കോസ്റ്റ് ആന്റ് മാനേജ്‌മെന്റ് അക്കൗണ്ട്‌സ് (ICMAI) നടത്തിയ ഡിസംബര്‍ സൈക്കിള്‍ സി.എം.എ പരീക്ഷയുടെ റിസള്‍ട്ട് ഈയടുത്താണ് പ്രസിദ്ധീകരിച്ചത്. സി.എം.എ ഇന്റര്‍ ഫൈനല്‍ പരീക്ഷ ഫലമാണ് പുറത്തുവന്നത്. 2023 ഡിസംബര്‍ 10 മുതല്‍ 17 വരെയാണ് പരീക്ഷ നടന്നത്. സി.എം.എ ഫൗണ്ടേഷന്‍ റിസള്‍ട്ട് നേരത്തെ പുറത്തിറക്കിയിരുന്നു.