ദോഹ: എയര്‍ബസ് എ വിമാനങ്ങള്‍ മുഴുവനും സര്‍വിസിലേക്ക് തിരികെയെത്തിച്ച് ഖത്തര്‍ എയര്‍വേസ്.

ഒരുവര്‍ഷത്തെ നിയമപോരാട്ടത്തിനൊടുവിലാണ് തിരികെയെത്തിച്ചത്. വിമാനത്തിന്റെ പ്രതലത്തിന് കേടുപാടുകള്‍ സംഭവിച്ചതിന്റെ പേരില്‍ എയര്‍ബസുമായുള്ള നിയമപോരാട്ടത്തിനാണ്് വിരാമമിട്ടതെന്ന് ഖത്തര്‍ എയര്‍ വേസ് ഗ്രൂപ് ചീഫ് കൊമേഴ്‌സ്യല്‍ ഓഫിസര്‍ തിയറി ആന്റിനോറി പറഞ്ഞു.
കൂടുതല്‍ വിമാനങ്ങള്‍ തങ്ങളുടെ നിരയിലേക്ക് വരുന്നതിലൂടെ വലിയ അവസരങ്ങളാണ് മുന്നില്‍ കാണുന്നതെന്ന് ബെര്‍ലിനിലെ ഐ.ടി.ബി ട്രാവല്‍ ഫെയറില്‍ റോയിട്ടേഴ്‌സിന് നല്‍കിയ അഭിമുഖത്തില്‍ ആന്റിനോറി പറഞ്ഞു.

എയര്‍ബസ് എ 350 ലെ പെയിന്റ് വിള്ളലുകളിലൂടെ കാര്‍ബണ്‍ കോംപോസിറ്റ് മിന്നല്‍ സംരക്ഷണ ഉപപാളികളിലെ തകരാറുകള്‍ പുറത്തുവന്നതോടെയാണ് ഖത്തര്‍ എയര്‍വേസും എയര്‍ബസും തമ്മിലുള്ള നിയമപോരാട്ടത്തിനു തുടക്കം കുറിച്ചത്.