കനല്‍ചാട്ടത്തിനിടെ വിദ്യാര്‍ഥിക്ക് പൊള്ളലേറ്റ സംഭവം; ആലത്തൂര്‍ പൊലിസ് കേസെടുത്തു

പാലക്കാട്: കനല്‍ചാട്ടത്തിനിടെ വിദ്യാര്‍ഥിക്ക് പൊള്ളലേറ്റ സംഭവത്തില്‍ കേസെടുത്തു. ആലത്തൂര്‍ പൊലിസാണ് കേസെടുത്തത്. ബാലാവകാശ കമീഷന്റെ നിര്‍ദേശപ്രകാരമാണ് കേസെടുത്തത്. ആലത്തൂര്‍ മേലാര്‍ക്കോട് പത്തു വയസ്സുകാരനാണ് പൊള്ളലേറ്റത്. പുത്തന്‍ത്തറ മാരിയമ്മന്‍ കോവിലിലെ പൊങ്കല്‍ ആഘോഷ ചടങ്ങിനിടെ ഇന്ന് പുലര്‍ച്ചെയായിരുന്നു അപകടം.

ഗുരുതരമായി പൊള്ളലേറ്റ വിദ്യാര്‍ഥിയെ ആദ്യം നെന്മാറയിലെ സ്വകാര്യ ആശുപത്രിയിലാണ് പ്രവേശിപ്പിച്ചത്. നിരവധി ആളുകള്‍ കനലിലൂടെ ഓടുന്നതിനിടയില്‍ വിദ്യാര്‍ത്ഥിയെ നിര്‍ബന്ധിച്ച് കനലിലൂടെ ഓടിക്കുന്നതിന്റെ ദൃശ്യങ്ങള്‍ പുറത്ത് വന്നിട്ടുണ്ട്.