തൊട്ടില്‍പ്പാലം: എസ്.കെ.എസ്.എസ്.എഫ് മൂന്നാംകൈ ശാഖാ കമ്മിറ്റിയുടെ ആഭിമുഖ്യത്തില്‍ നടന്ന പരിപാടിയില്‍ കുയ്യണ്ടണ്ടത്തില്‍ ഇബ്രാഹിം പതാക ഉയര്‍ത്തി. അജ്മല്‍ അശ്അരി അധ്യക്ഷനായി. റഈസ് പി.പി, സാലിം പി.കെ, സനൂബ് കെ.സി, മുബശ്ശിര്‍, കുനിയില്‍ അമ്മദ്, സാജിര്‍ സംസാരിച്ചു.
കായക്കൊടി വാര്‍ഡ് കോണ്‍ഗ്രസ് കമ്മിറ്റിയുടെ നേതൃത്വത്തില്‍ നടന്ന പരിപാടിയില്‍ നിയോജകമണ്ഡലം യൂത്ത് കോണ്‍ഗ്രസ് പ്രസിഡന്റ് കെ.പി ബിജു പതാക ഉയര്‍ത്തി. വി.പി കുമാരന്‍ അധ്യക്ഷനായി.
അടുക്കത്ത് മിസ്ബാഹുല്‍ ഹുദാ വാഫി കോളജ്, ലിറ്റില്‍ ബഡ്‌സ് നഴ്‌സറി, അടുക്കത്ത് എല്‍.പി സ്‌കൂള്‍ എന്നിവയുടെ സംയുക്താഭിമുഖ്യത്തില്‍ വിവിധ പരിപാടികള്‍ നടന്നു. കുറ്റ്യാടി യതീംഖാനാ കാംപസില്‍ ഹാജി കെ. പൊറോറ പതാക ഉയര്‍ത്തി.
ചങ്ങരംകുളം വാര്‍ഡ് കോണ്‍ഗ്രസ് കമ്മിറ്റിയുടെ പരിപാടിയില്‍ വിമുക്തഭടന്‍ ചാമക്കാല്‍ കണാരന്‍ പതാക ഉയര്‍ത്തി. ഒ.പി മനോജ് അധ്യക്ഷനായി. നാറാണത്ത് രാജശേഖരന്‍, കെ.വി ബാലന്‍, വാഴയില്‍ രാജന്‍, കെ.വി കുഞ്ഞിക്കണ്ണന്‍ സംസാരിച്ചു.
വടകര: ബുസ്താനുല്‍ ഉലൂം ഹയര്‍സെക്കന്‍ഡറി മദ്‌റസയില്‍ സ്വാതന്ത്ര്യദിനം ആഘോഷിച്ചു. പെന്‍സില്‍ ഡ്രോയിങ്, കൊളാഷ്, ക്വിസ് മത്സരങ്ങള്‍ എന്നിവ നടത്തി. ഷഫീഖ്, ആദില്‍, തലാല്‍, ശഹബാസ്, ജാസിര്‍ നേതൃത്വം നല്‍കി.