കോഴിക്കോട്: എന്‍.സി.പി ഇടുതുപക്ഷം വിട്ട് യു.ഡി.എഫില്‍ ചേക്കേറുമെന്ന പ്രചാരണവും താന്‍ പാര്‍ട്ടി വിടുമെന്ന പ്രചാരണവും അടിസ്ഥാനരഹിതമാണെന്ന് മന്ത്രി എ.കെ ശശീന്ദ്രന്‍. ഇടതുമുന്നണി വിടേണ്ട സാഹചര്യം ഇപ്പോള്‍ എന്‍.സി.പിക്ക് ഇല്ല. താന്‍ പാര്‍ട്ടി ആവശ്യപ്പെടുന്നിടത്ത് മത്സരിക്കും. നേരത്തെ മത്സരിച്ച സീറ്റുകളില്‍ തന്നെ എന്‍.സി.പി ഇത്തവണയും മത്സരിക്കും.

പാലായില്‍ മത്സരിച്ചുവന്നത് എന്‍.സി.പിയാണ്. മാണി സി കാപ്പന് പാലാ ആവശ്യപ്പെടാനുള്ള അവകാശം ഉണ്ട്. പക്ഷെ ഇപ്പോള്‍ നടക്കുന്ന ചര്‍ച്ചകള്‍ അനവസരത്തിലാണ്. പാല സീറ്റ് കേരള കോണ്‍ഗ്രസ് എം ആവശ്യപ്പെട്ടത് എന്‍.സി.പിയുടെ തലവേദനയല്ല. അത് പരിഹരിക്കേണ്ടത് എന്‍.സി.പിയല്ല.മുന്നണിമാറ്റം ചര്‍ച്ച ചെയ്യേണ്ട രാഷ്ട്രീയ സാഹചര്യം കേരളത്തില്‍ ഉണ്ടെന്ന് ആരും കരുതുന്നില്ല. അതുകൊണ്ടുതന്നെ അത്തരം ചര്‍ച്ചകള്‍ക്ക് പ്രസക്തിയില്ലെന്ന് മന്ത്രി മാധ്യമങ്ങളോട് വ്യക്തമാക്കി.