തിരുവനന്തപുരം: സംസ്ഥാനത്തെ 31 തദ്ദേശ സ്വയംഭരണ വാര്‍ഡുകളിലേക്ക് നടന്ന ഉപതെരഞ്ഞെടുപ്പില്‍ യു.ഡി.എഫിന് മേല്‍ക്കൈ. മൂന്നു പഞ്ചായത്തുകളില്‍ യു.ഡി.എഫ് ഭരണം പിടിച്ചു. തൃശൂര്‍ നാട്ടിക, ഇടുക്കി കരിമണ്ണൂര്‍, പാലക്കാട് തച്ചമ്പാറ പഞ്ചായത്തുകളാണ് എല്‍.ഡി.എഫില്‍നിന്നു യു.ഡി.എഫ് പിടിച്ചെടുത്തത്. 

31 സീറ്റുകളില്‍ 17 സീറ്റുകളില്‍ യു.ഡി.എഫ് വിജയിച്ചു. എല്‍.ഡി.എഫ് 11 സീറ്റുകളിലും ബി.ജെ.പി മൂന്നുസീറ്റുകളിലും വിജയിച്ചു. 

സി.പി.ഐ സ്ഥാനാര്‍ഥി രാജിവച്ച് ബി.ജെ.പിയില്‍ ചേര്‍ന്ന സാഹചര്യത്തിലാണ് ഇവിടെ ഉപതെരഞ്ഞെടുപ്പുണ്ടായത്. ഇവിടെ സി.പി.ഐ സ്ഥാനാര്‍ഥിയെ പരാജയപ്പെടുത്തി യു.ഡി.എഫ് സ്ഥാനാര്‍ഥി വിജയിച്ചു. 

എല്‍.ഡി.എഫ് 15, യു.ഡി.എഫ് 13, ബി.ജെ.പി മൂന്ന് എന്നിങ്ങനെയായിരുന്നു തെരഞ്ഞെടുപ്പിനുള്ള മുമ്പുള്ള സ്ഥിതി.