കൊൽക്കത്ത
ബംഗാളിൽ കുട്ടികളിൽ കൊവിഡ് പടരുന്നു. കഴിഞ്ഞ അഞ്ചുദിവസത്തെ പരിശോധനാ റിപ്പോർട്ടിൽ രോഗം ബാധിച്ച കുട്ടികളുടെ എണ്ണം കൂടുതലാണ്.
ആറുവയസിനു താഴെയുള്ള കുട്ടികൾക്കാണ് കൂടുതലും രോഗം ബാധിക്കുന്നത്. ഈ പ്രായത്തിലുള്ള കുട്ടികൾക്ക് വാക്‌സിനേഷനും നൽകാൻ സംവിധാനമില്ല. രോഗം ബാധിക്കുന്നവർക്ക് ശ്വാസതടസവും ക്ഷീണവും ശക്തമായ പനിയും അനുഭവപ്പെടുന്നുണ്ട്. മൂന്നു വയസിൽ താഴെയുള്ള കുട്ടികൾക്കും രോഗം ബാധിച്ചിട്ടുണ്ട്. രാജ്യത്ത് 15നും 18നും ഇടയിൽ പ്രായമുള്ള കുട്ടികൾക്കാണ് കഴിഞ്ഞ തിങ്കളാഴ്ച വാക്‌സിനേഷൻ തുടങ്ങിയത്.