ബെംഗളുരു: ബെംഗളുരുവില്‍ വാഹനാപകടത്തില്‍ മൂന്ന് മലയാളികള്‍ ഉള്‍പ്പെടെ നാല് പേര്‍ മരിച്ചു. രാത്രി 10.30 ഓടെ നൈസ് റോഡിന് സമീപമായിരുന്നു അപകടം. കൊച്ചി തമ്മനം ചന്ദ്രമതി ലെയിന്‍ ചോലയില്‍ വീട്ടില്‍ സ്വദേശിനി കെ.ശില്‍പ, കോഴിക്കോട് സ്വദേശികളായ ആദര്‍ശ് ഫാദില്‍ എന്നിവരാണ് മരിച്ചത്. ഒരു യുവതിയെ തിരിച്ചറിഞ്ഞിട്ടില്ല.

ബൊമ്മനഹള്ളിയില്‍ താമസിക്കുന്ന ഇവര്‍, കെംഗേരിയിലേക്കു പോകുന്ന വഴി തമിഴ്‌നാട് റജിസ്‌ട്രേഷനുള്ള ലോറി കാറിന് പിന്നില്‍ ഇടിക്കുകയായിരുന്നു. ഇടിയുടെ ആഘാതത്തില്‍ കാര്‍ മറ്റ് വാഹനങ്ങളിലും ചെന്നിടിച്ചു. ആകെ മൂന്ന് ലോറികളും അഞ്ച് കാറുകളുമാണ് അപകടത്തില്‍ പെട്ടത്. പരുക്കേറ്റവരെ വിവിധ ആശുപത്രികളില്‍ പ്രവേശിപ്പിച്ചിരിക്കുകയാണ്.