കൊച്ചി: നടിയെ ആക്രമിച്ച കേസില്‍ നടന്‍ ദിലീപിനെ അന്വേഷണസംഘം വീണ്ടും ചോദ്യംചെയ്‌തേക്കും. ശനിയാഴ്ച കൊച്ചിയില്‍ എഡിജിപി എസ്. ശ്രീജിത്തിന്റെ അധ്യക്ഷതയില്‍ ചേര്‍ന്ന പ്രത്യേക അന്വേഷണസംഘത്തിന്റെ യോഗത്തില്‍ ഇതുസംബന്ധിച്ച തീരുമാനമെടുത്തെന്നാണ് സൂചന.

സംവിധായകന്‍ ബാലചന്ദ്രകുമാര്‍ ദിലീപിനെതിരേ നടത്തിയ വെളിപ്പെടുത്തലുകള്‍ക്ക് പിന്നാലെയാണ് കേസില്‍ തുടരന്വേഷണം ആരംഭിച്ചത്. 

കേസിന്‍റെ അന്വേഷണം ദ്രുതഗതിയിലാക്കാൻ പ്രത്യേക അന്വേഷണസംഘം തിരുമാനിച്ചു. ബാലചന്ദ്രകുമാർ, പ്രതികളായ പൾസർ സുനി, നടൻ ദിലീപ് എന്നിവരെ ചോദ്യം ചെയ്യുമെന്നാണ് ലഭിക്കുമെന്ന വിവരം. ബാലചന്ദ്രകുമാറിന്‍റെ രഹസ്യമൊഴിയെടുക്കണമെന്ന അന്വേഷണസംഘത്തിന്‍റെ ആവശ്യം കഴിഞ്ഞദിവസം കോടതി അംഗീകരിച്ചിരുന്നു. ഈ മാസം 12ന് ഹാജരാകാൻ ആവശ്യപ്പെട്ട് ബാലചന്ദ്രകുമാറിന് നോട്ടീസ് അയച്ചിട്ടുണ്ട്​.