ഇടുക്കി: എസ്.എഫ്.ഐ പ്രവര്‍ത്തകനെ കുത്തിക്കൊന്നു. ഇടുക്കി എഞ്ചിനീയറിങ് കോളജ് വിദ്യാര്‍ത്ഥി സൂരജാണ് കൊല്ലപ്പെട്ടത്. മറ്റൊരു വിദ്യാര്‍ത്ഥിക്ക് കുത്തേറ്റിട്ടുണ്ട്. കെ.എസ്.യു- എസ്.എഫ്.ഐ സംഘര്‍ഷത്തിനിടെയാണ് കുത്തേറ്റതെന്നാണ് പ്രാഥമിക വിവരം. കുത്തിയത് കെ.എസ്.യു, യൂത്ത് കോണ്‍ഗ്രസ് പ്രവര്‍ത്തകരെന്ന് വിദ്യാര്‍ഥികള്‍ ആരോപിച്ചു.

കണ്ണൂര്‍ തളിപ്പറമ്പ്, പാലക്കുളങ്ങര സ്വദേശിയാണ് ധീരജ്. പുറത്തു നിന്നെത്തിയ യൂത്ത് കോണ്‍ഗ്രസ് പ്രവര്‍ത്തകരാണ് ഇതിനു പിന്നിലെന്ന് എസ്.എഫ്.ഐ കോളജ് യൂണിറ്റ് നേതാക്കള്‍ പറഞ്ഞു. ധീരജിനെ കുത്തിയവര്‍ ഓടിരക്ഷപ്പെട്ടു. ചെറുതോണി പൊലീസ് അന്വേഷണം ആരംഭിച്ചിട്ടുണ്ട്.

ധീരജിന്റെ കഴുത്തിലാണ് കുത്തേറ്റത്. കുത്തേറ്റ ധീരജിനെ ഉടനെ തന്നെ ഒപ്പമുള്ളവര്‍ ഇടുക്കി മെഡിക്കല്‍ കോളജിലേക്ക് എത്തിച്ചെങ്കിലും രക്ഷിക്കാനായില്ല. പരുക്കേറ്റ മറ്റൊരു വിദ്യാര്‍ഥി തീവ്രപരിചരണ വിഭാഗത്തിലാണ്. ധീരജിന്റെ കൊലപാതകം ആസൂത്രിതമാണെന്ന് മന്ത്രി റോഷി അഗസ്റ്റിന്‍ പറഞ്ഞു.