മംഗലപുരം: സ്‌കൂള്‍ കുട്ടികള്‍ക്ക് കഞ്ചാവ് വില്‍പന നടത്തുന്ന  സംഘത്തിലെ രണ്ടുപേരെ മംഗലപുരം പൊലിസ്  അറസ്റ്റ്  ചെയ്തു.
പുതുക്കുറിച്ചി തെരുവില്‍ തൈവിളാകം വീട്ടില്‍ അനസ് (19) ,പുതുക്കുറിച്ചി കടല്‍പ്പുറം തൈവിളാകം വീട്ടില്‍ സജാദ് (20) എന്നിവരാണ് പിടിയിലായത്. വേങ്ങോട് തോന്നയ്ക്കല്‍ സര്‍വ്വീസ് സഹകരണ സംഘത്തിനു സമീപത്തു നിന്നാണ്   ഇവര്‍ പിടിയിലായത്.  തോന്നയ്ക്കല്‍, കഠിനംകുളം, കടയ്ക്കാവൂര്‍ മേഖലയിലെ സ്‌കൂളുകളിലെ വിദ്യാര്‍ഥികള്‍ക്കായിരുന്നു ഇവര്‍ കഞ്ചാവ് വിറ്റിരുന്നത്. പോത്തന്‍കോട് സി.ഐ. ഷാജി, എസ്.ഐ. മാരായ പ്രസാദ്, ജയന്‍, പുരുഷോത്തമന്‍ സി.പി.ഒ. മാരായ മനോജ്, ശ്രീജിത്ത്, വിനീഷ് എന്നിവര്‍ ചേര്‍ന്നാണ് പ്രതികളെ പിടികൂടിയത്.