ചേളാരി: സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് നിര്‍വാഹക സമിതി യോഗം പുതുതായി ആറ് മദ്‌റസകള്‍ക്ക് കൂടി അംഗീകാരം നല്‍കി.
ഇതോടുകൂടി അംഗീകൃത മദ്‌റസകളുടെ എണ്ണം 10,283 ആയി. റൗളത്തുല്‍ ഉലൂം മദ്‌റസ മേരമജല്‍, ബഡൂര്‍ (ദക്ഷിണ കന്നഡ), സിറാജുല്‍ ഇസ്‌ലാം മദ്‌റസ തണ്ണിക്കടവ് കുന്നുമ്മല്‍പൊട്ടി, എടക്കര (മലപ്പുറം), നൂറുല്‍ ഹുദാ മദ്‌റസ ഉളിയില്‍, ഇരിട്ടി (കണ്ണൂര്‍), മദ്‌റസതുല്‍ ഉസ്മാനിയ്യ മങ്കൊമ്പ്, കുട്ടനാട് (ആലപ്പുഴ), മനാറുല്‍ ഹുദാ മദ്‌റസ മഞ്ചാടിമുക്ക്, മെഡിക്കല്‍ കോളജ്, മദീനത്തുല്‍ മുനവ്വറ മദ്‌റസ, മണ്‍വിളമുകള്‍ (തിരുവനന്തപുരം) എന്നീ മദ്‌റസകള്‍ക്കാണ് പുതുതായി അംഗീകാരം നല്‍കിയത്.
സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് 69ാമത് വാര്‍ഷിക ജനറല്‍ബോഡി യോഗം 2021 ജനുവരി 16ന് 11ന് വെളിമുക്ക് ക്രസന്റ് ബോര്‍ഡിങ് മദ്‌റസ ഓഡിറ്റോറിയത്തില്‍ ചേരാന്‍ തീരുമാനിച്ചു. പ്രസിഡന്റ് പി.കെ.പി അബ്ദുസ്സലാം മുസ്‌ലിയാര്‍ അധ്യക്ഷനായി. സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്തു. ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ സ്വാഗതം പറഞ്ഞു. പ്രൊഫ. കെ. ആലിക്കുട്ടി മുസ്‌ലിയാര്‍, പാണക്കാട് സയ്യിദ് സാദിഖലി ശിഹാബ് തങ്ങള്‍, പി.പി ഉമര്‍ മുസ്‌ലിയാര്‍ കൊയ്യോട്, കെ.ടി ഹംസ മുസ്‌ലിയാര്‍, ഡോ. ബഹാഉദ്ദീന്‍ മുഹമ്മദ് നദ്‌വി കൂരിയാട്, വാക്കോട് എം. മൊയ്തീന്‍കുട്ടി ഫൈസി, കെ. ഉമര്‍ ഫൈസി മുക്കം, എ.വി അബ്ദുറഹ്മാന്‍ മുസ്‌ലിയാര്‍, ഡോ. എന്‍.എ.എം അബ്ദുല്‍ ഖാദര്‍, എം.സി മായിന്‍ ഹാജി, കെ.എം അബ്ദുല്ല മാസ്റ്റര്‍ കൊട്ടപ്പുറം, അബ്ദുല്‍ ഹമീദ് ഫൈസി അമ്പലക്കടവ്, അബ്ദുസ്സമദ് പൂക്കോട്ടൂര്‍, ഇ. മൊയ്തീന്‍ ഫൈസി പുത്തനഴി, പിണങ്ങോട് അബൂബക്കര്‍, ഇസ്മാഈല്‍ കുഞ്ഞുഹാജി മാന്നാര്‍ ചര്‍ച്ചയില്‍ പങ്കെടുത്തു. മാനേജര്‍ കെ. മോയിന്‍കുട്ടി മാസ്റ്റര്‍ നന്ദി പറഞ്ഞു.