ടെസ്റ്റ് പോസിറ്റിവിറ്റി
നിരക്ക് 16.66 ശതമാനമായി
ഉയർന്നു
ന്യൂഡൽഹി
ഇന്നലെ കാലത്ത് അവസാനിച്ച 24 മണിക്കൂറിനുള്ളിൽ രാജ്യത്ത് 2,68,833 പേർക്ക് പുതുതായി കൊവിഡ് സ്ഥിരീകരിച്ചു. തുടർച്ചയായ രണ്ടാംദിവസമാണ് പ്രതിദിന കൊവിഡ് കേസുകളുടെ എണ്ണം രണ്ടരലക്ഷം കടക്കുന്നത്. ഇതോടെ രാജ്യത്തെ ആകെ സജീവ കൊവിഡ് കേസുകളുടെ എണ്ണം 14,17,820 ആയി. 24 മണിക്കൂറിനുള്ളിൽ 402 കൊവിഡ് മരണവും സ്ഥിരീകരിച്ചു. ഇതോടെ ആകെ മരണം 4,85,752 ആയി. ഒമിക്രോൺ കേസുകളുടെ എണ്ണം 6,041 ആയി ഉയർന്നു.
ടെസ്റ്റ് പോസിറ്റിവിറ്റി നിരക്ക് 14.7 ശതമാനം ആയിരുന്നത് 16.66 ശതമാനമായി ഉയർന്നതായും കേന്ദ്ര ആരോഗ്യമന്ത്രാലയം അറിയിച്ചു. കഴിഞ്ഞ 24 മണിക്കൂറിനുള്ളിൽ 1,22,684 പേർ രോഗമുക്തരായി. രാജ്യത്താകെ ഇതുവരെ കൊവിഡ് മുക്തരായവരുടെ എണ്ണം 3,49,47,390 ആയി. ദേശീയ രോഗമുക്തി നിരക്ക് 94.83 ശതമാനമാണ്.