ഭോപാല്‍: പെണ്‍കുട്ടികളുടെ വിവാഹപ്രായം ഉയര്‍ത്തുന്നത് സംബന്ധിച്ച ചര്‍ച്ചകള്‍ ചൂടുപിടിക്കുന്നതിനിടെ വിവാദ പ്രസ്താവനയുമായി കോണ്‍ഗ്രസ് നേതാവ് സജ്ജന്‍ സിംഗ് വര്‍മ്മ. പതിനഞ്ചാം വയസില്‍ ഒരു പെണ്‍കുട്ടിക്ക് ഗര്‍ഭം ധരിക്കാനാകുമെന്നും പിന്നെന്തിനാണ് വിവാഹം പ്രായം ഉയര്‍ത്തുന്നതെന്നുമാണ് മുന്‍ പൊതുമരാമത്ത് മന്ത്രി കൂടിയായ സജ്ജന്‍ സിംഗ് വര്‍മ്മയുടെ ചോദ്യം. രാജ്യത്ത് പെണ്‍കുട്ടികളുടെ വിവാഹ പ്രായം ഉയര്‍ത്തണമെന്ന മധ്യപ്രദേശ് മുഖ്യമന്ത്രി ശിവ്‌രാജ് സിംഗ് ചൗഹാന്റെ പ്രസ്താവനയോട് പ്രതികരിക്കുകയായിരുന്നു സജ്ജന്‍ സിംഗ്.

പതിനഞ്ചാം വയസില്‍ ഒരു പെണ്‍കുട്ടി ഗര്‍ഭം ധരിക്കാന്‍ പ്രാപ്തയാവുമെന്നാണ് ഡോക്ടര്‍മാരുടെ അഭിപ്രായപ്രകാരം. വിവാഹപ്രായം ഉയര്‍ത്തണമെന്ന് വാദിച്ച മുഖ്യമന്ത്രി ഡോക്ടറോ ശാസ്ത്രജ്ഞനോ ആണോ? ഏത് അടിസ്ഥാനത്തിലാണ് പെണ്‍കുട്ടികളുടെ വിവാഹ പ്രായം 18 ല്‍ നിന്ന് 21 ആയി ഉയര്‍ത്തേണ്ടത്- സജ്ജന്‍ സിംഗ് ചോദിച്ചു.

#WATCH | According to doctors, a girl is ready for reproduction by the age of 15. Is the CM a doctor or a scientist? So, on what basis does girls' marriage age should be increased to 21 from 18: Congress leader Sajjan Singh Verma in Bhopal pic.twitter.com/sVF1UyeLra

— ANI (@ANI) January 13, 2021

സജ്ജന്‍ സിംഗിന്റെ പ്രസ്താവനക്കെതിരെ ദേശീയ ബാലാവകാശ കമ്മീഷന്‍ രംഗത്തെത്തിയിട്ടുണ്ട്. ബി.ജെ.പിയും സജ്ജന്‍ സിംഗിന്റെ പ്രസ്താവനക്കെതിരെ രംഗത്തെത്തി.