മനാമ: ദിവസങ്ങള്‍ക്കു മുന്പ് ബഹ്റൈനില്‍ കാണാതായ മലയാളി യുവാവിനെ മരിച്ച നിലയില്‍ കണ്ടെത്തി.
കോഴിക്കോട് - പേരാമ്പ്ര കോടേരിച്ചാലിൽ വടക്കേ എളോർ മീത്തൽ രജിൽരാജ് (33) ആണ് മരണപ്പെട്ടത്. ഇവിടെ ഗുദൈബിയ പ്രവിശ്യയിലായിരുന്നു താമസം. ആത്മഹത്യയാണെന്നാണ് സംശയം. മരണ കാരണം വ്യക്തമല്ല. കഴിഞ്ഞ ആറു വർഷത്തോളമായി ബഹ്റൈനിൽ ഡ്രൈവറായി ജോലി ചെയ്തു വരികയായിരുന്നു. മൃതദേഹം സൽമാനിയ മോർച്ചറിയിലേക്ക് മാറ്റി. നടപടിക്രമങ്ങള്‍ പൂര്‍ത്തിയാക്കി നാട്ടിലേക്ക് കൊണ്ടു പോകാനുള്ള ശ്രമങ്ങള്‍ പുരോഗമിക്കുന്നതായി സാമൂഹ്യ പ്രവര്‍ത്തകര്‍ അറിയിച്ചു. പിതാവ് വടക്കേ എളോർ മീത്തൽ രാജൻ, അമ്മ സുലോചന.