തേഞ്ഞിപ്പലം: ഹെല്‍മറ്റ് ഉപയോഗം ശീലമാക്കുകയെന്ന സന്ദേശം നല്‍കി ചേളാരി ഐ.ടി ഐ വിദ്യാര്‍ഥികള്‍ ദേശീയപാതയില്‍ ഹെല്‍മറ്റ് യാത്ര സംഘടിപ്പിച്ചു. കാലിക്കറ്റ് യൂനിവേഴ്‌സിറ്റി ബസ് സ്റ്റോപ്പ് പരിസരത്ത് വച്ച് തേഞ്ഞിപ്പലം എസ്.ഐ കെ സുരേന്ദ്രന്‍ ജാഥാ കാപറ്റന്‍ കെ അജിത്തിന്  പതാക കൈമാറി ഉദ്ഘാടനം ചെയ്തു. സി അബൂബക്കര്‍, രജീഷ് ചേളാരി, ബദറുദ്ദീന്‍ സംസാരിച്ചു. മേലെ ചേളാരിയില്‍ ടി.കെ ടവര്‍ അസോസിയേഷന്റെ കീഴില്‍ ജാഥയെ സ്വീകരിച്ചു. സ്വീകരണ ചടങ്ങില്‍ കെ.ടി ജാഫര്‍ സംസാരിച്ചു. യാത്രയില്‍ ഹെല്‍മെറ്റ് ഉപയോഗത്തിന്റെ ആവശ്യകത വിശദീകരിക്കുന്ന ലഘുലേഖ വിതരണവും നടന്നു.