റിയാദ്: സഊദിയിൽ ഓൺലൈൻ ക്ലാസ് നടക്കുന്നതിടെ സഊദി അധ്യാപകൻ മരണപ്പെട്ടു. ജിദ്ദ ഗവർണറേറ്റിൽ വിദ്യാഭ്യാസ മന്ത്രാലയത്തിന് കീഴിലെ കെമിസ്‌ട്രി അധ്യാപകനാണ് മന്ത്രാലയത്തിന് കീഴിലെ ''മദ്‌റസതീ" ആപ്ലിക്കേഷൻ വഴി ഓൺലൈൻ ക്ലാസ് നടക്കുന്നതിടെ കുഴഞ്ഞു വീണ് മരണപ്പെട്ടത്. ക്ലാസ് നടക്കുന്നതിടെ അധ്യാപകൻ കുഴഞ്ഞു വീഴുകയായിരുന്നു. വിദ്യാഭാസ മേഖലയിൽ 20 വർഷമായി പ്രവർത്തിച്ചു വാരിയകയിരുന്ന യുവാവ് വിവാഹിതനാണ്. നാല് മക്കളുണ്ട്.

    നാല് ദിവസം മുമ്പ് സമാനമായ സംഭവത്തിൽ മറ്റൊരു അധ്യാപകൻ മരണപ്പെട്ടിരുന്നു. കിഴക്കൻ സഊദിയിലെ ദമാമിൽ ഓൺലൈൻ ക്ളാസ് നടക്കുന്നതിനിടെ കുഴഞ്ഞു വീണ് സ്വദേശി അധ്യാപകൻ മരണപ്പെട്ടിരുന്നു.