ജിദ്ദ: ഇന്ത്യയിലെ പൊതുമേഖലയിൽ ഏറ്റവും ലാഭകരമായി പ്രവർത്തിച്ചിരുന്ന കരിപ്പൂർ വിമാനത്താവളത്തോട് കേന്ദ്ര ,സംസ്ഥാന സർക്കാരുകൾ കാണിക്കുന്ന അവഗണന അവസാനിപ്പിക്കണമെന്നും, കേരളത്തിൽ നിന്ന് ഏറ്റവും കൂടുതൽ ഹജ്ജ് തീർത്ഥാടകർ യാത്രപുറപ്പെടുന്ന കരിപ്പൂരിന് റൺവേ വികസനത്തിൻറെ പേരിൽ നഷ്ട്ടപെട്ട ഹജ്ജ് എംബാക്കേഷൻ പോയിന്റ് തിരിച്ചുകൊണ്ടുവരാനും കേന്ദ്ര സംസ്ഥാന സർക്കാറുകൾ തയ്യാറാവണമെന്ന് ജിദ്ദ കൊണ്ടോട്ടി മണ്ഡലം കെ.എം.സി.സി പ്രവർത്തക സമിതി യോഗം ആവശ്യപ്പെട്ടു. വലിയ വിമാനങ്ങൾക്കുള്ള യാത്രാ വിലക്കുകൾ പിൻവലിക്കുവാനും, വിമാന താവളത്തിലേക്കുള്ള പ്രധാന റോഡുകൾ അന്തർ ദേശീയ നിലവാരത്തിലേക്ക് ഉയർത്താനും തയ്യാറാകണമെന്നും യോഗം ആവശ്യപ്പെട്ടു. കരിപ്പൂരിൽ വലിയ വിമാനങ്ങൾക്ക് യാത്രാ വിലക്കുകൾ ഏർപ്പെടുത്തിയത് കാരണം ഏറ്റവും കൂടുതൽ പ്രയാസം അനുഭവിക്കുന്നത് മലബാർ മേഖലകളിൽ നിന്ന് സഊദി അറേബ്യ അടക്കമുള്ള രാജ്യങ്ങളിൽ ജോലി ചെയ്യുന്ന സാധാരണക്കാരായ പ്രവാസികളെയാണെന്നും സർക്കാർ ഇക്കാര്യത്തിൽ ഗൗരവമായ ഇടപെടലുകൾ നടത്തണമെന്നും യോഗം അഭ്യർത്ഥിച്ചു.

    ഷറഫിയ സ്‌പൈസ് മലബാർ ഹോട്ടൽ ഓഡിറ്റോറിയത്തിൽ മണ്ഡലം പ്രസിഡന്റ് കെ .കെ മുഹമ്മദിൻറെ അദ്ധ്യക്ഷതയിൽ ചേർന്ന യോഗം മലപ്പുറം ജില്ലാ കെ.എം.സി.സി ചെയർമാൻ പി.വി ഹസ്സൻ സിദ്ധീഖ് ബാവു ഉദ്ഘാടനം ചെയ്തു, നാഷണൽ കമ്മറ്റി സെക്രട്ടേറിയറ്റ് അംഗം നാസർ ഒളവട്ടൂർ മുഖ്യ പ്രഭാഷണം നടത്തി. എം.കെ നൗഷാദ് വാഴയൂർ, ലത്തീഫ് കൊട്ടുപാടം, റഹ്മത്തലി എരഞ്ഞിക്കൽ, അൻവർ വെട്ടുപാറ, കെ.പി അബ്ദുൽ റഹ്മാൻ ഹാജി വലിയപറമ്പ്, അബ്ബാസ് മുസ്‌ലിയാരങ്ങാടി, ശറഫുദ്ധീൻ വാഴക്കാട്‌, ലത്തീഫ് പൊന്നാട്, മുഹമ്മദ് കുട്ടി മുണ്ടക്കുളം, അബു ഹാജി ചെറുകാവ്, കബീർ നീറാട്, മനാഫ് കവാത്ത് തുടങ്ങിയവർ സംസാരിച്ചു. മണ്ഡലം കെ.എം.സി.സി ജനറൽ സെക്രെട്ടറി അബ്ദുൽറഹ്മാൻ അയക്കോടൻ സ്വാഗതവും കുഞ്ഞി മുഹമ്മദ് ഒളവട്ടൂർ നന്ദിയും പറഞ്ഞു .